17 ივნისს, 19:00 საათზე, საქართველოს ხალხური სიმღერისა და ცეკვის სახელმწიფო აკადემიური ანსამბლი „ერისიონი“ ახალციხეში, ახალციხის თეატრში, საქველმოქმედო კონცერტს გამართავს.
საქართველოს კულტურისა და ძეგლთა დაცვის სამინისტროს მხარდაჭერით, ანსამბლის 130 წლის იუბილესადმი მიძღვნილი კონცერტები ქვეყნის ყველა რეგიონში იმართება.
მორიგი წარმოდგენა, ანსამბლის ინიციატივით, საქველმოქმედო იქნება და კონცერტიდან შემოსული თანხა სტიქიის შედეგად დაზარალებულ ოჯახებს მოხმარდება.