კავკასიის რადიკალ-ისლამისტებს შეუძლიათ ”გააფუჭონ” სოჩის 2014 წლის ოლიმპიადა, მიუხედავად რუსეთის ხელისუფლების ყველა მცდელობისა ძალაში რჩება ტერორისტული საფრთხე, რომელიც ემუქრება ზამთრის XXII ოლიმპიადას სოჭში, წერს ამერიკული გაზეთი The Washington Post-ი.
რუსეთის ოფიციალური პირები მსოფლიო თანამეგობრობას არწმუნებენ, რომ სოჭის ოლიმპიადა “ყველაზე უსაფრთხო იქნება ოლიმპიური თამაშების ისტორიაში”. სადაზვერვო ანალიზის ექსპერტები კი აცხადებენ, რომ რუსეთის ხელისუფლების სიმშვიდე, შესაძლოა, ჩრდილოეთ კავკასიელმა რადიკალმა ისლამისტებმა დაარღვიონ.
მიუხედავად იმისა, რომ დისლოცირებული იქნება ათეულ ათასობით ჯარისკაცი, პოლიციელი და დაცვის წევრი, აღჭურვილი მაღალტექნოლოგიური მოწყობილობებით, ტეროსრისტებს ადვილად შეუძლიათ პრეზიდენტ ვლადიმერ პუტინის ნებისმიერი პროექტი საფრთხის ქვეშ დაყენება, აღნიშნულია წერილში.
ოლიმპიადა, პრაქტიკულად, “აჯანყების ზღვარზე” გაიმართება, ამტკიცებენ სპეციალისტები.
“არ არის საჭირო დიდი გამოცდილება იმისათვის, რომ შექმნან პრიმიტიული, მაგრამ ეფექტური ასაფეთქებელი მოწყობილობა”, ციტირებს გაზეთი ექსპერტების მოსაზრებას. მაგალითად კი, ახლახანს ბოსტონში განხორციელებული ტერაქტი მოჰყვათ და ვარაუდობენ, რომ შეზღუდული რესურსების პირობებშიც კი, ტერორისტებს შეუძლიათ ფართომასშტაბიანი ტერაქტების მოწყობა სოჭში, დარწმუნებულები არიან სპეციალისტები.
მოსკოვში კი ამტკიცებენ, რომ რუსეთი ოლიმპიადის მონაწილეებისა და სტუმრების უსაფრთხოებას სოჭში, ყველაზე თანამედროვე ტექნოლოგიების გამოყენებით დაიცავს.
ოლიმპიადის დროს, უსაფრთხოება ციდან დაცული იქნება უპილოტო თვითმფრინავების მეშვეობით, ხოლო შავი ზღვის აკვატორიას გააკონტროლებენ ჩქაროსნული კატარღები.
14.06.13
