ჩეხეთის ორგანიზირებულ დანაშაულთან ბრძოლის განყოფილების წარმომადგენელმა დაადასტურა, მაღალჩინოსანთა დაკავების მაშტაბური ოპერაციის ჩატარების ფაქტი, ოპერაცია მზადდებოდა 2 წლის განმავლობაში.

დაკავებულია  რამდენიმე მაღალჩინოსანი, მათ შორის პრემიერმინისტრის აპარატის ხელმძღვანელი იან ნადიოვა (Jana Nagyová).  ამის შესახებ ინფორმაცია 13 ივნისს České Noviny გაავრცელა.

დაკავებულთა ზუსტი რაოდენობა და გვარები, ჯერჯერობით ცნობილი არ არის, თუმცა რამოდენიმე მათგანის ვინაობა ცნობილი გახდა. მას-მედიის ინფორმაციით დაკავებულია ქვეყნის სამხედრო დაზვერვის ყოფილი ხელმძღვანელი-Ondřej Páleník, სოფლის მეურნეობის ყოფილი მინისტრი-Ivan Fuksa და მმართველი პარტიის  საპარლამენტო ფრაქციის ყოფილი თავმჯდომარე-Petr Tluchor.

დაკავებები ღამით განხორციელდა, ხოლო 13 ივნისს, დილით, პოლიციის ორგანიზებულ დანაშაულთან ბრძოლის  ქვედანაყოფის მიერ ქალაქ პრაღაში და ჩეხეთის სხვა ქალაქებში, სახელმწიფო დაწესებულებებში ჩატარებული იქნა ჩხრეკა.

13 ივნისის ღამეს, ორი პროკურორი და ორგანიზებულ დანაშაულთან ბრძოლის პოლიციის ხელმძღვანელი პრემიერმინისტრთან მივიდა. ეს შეხვედრა დაკავშირებული იყო დაკავებებთან, მაგრამ რა საკითხები იქნა განხილული, არ გახმაურებულა.

რას უკავშირდება დაჭერების სერია, ჯერჯერობით ცნობილი არ არის, სავარაუდოდ საქმე კორუფციულ დანაშაულებებს ეხება. უახლოეს მომავალში პოლიცია ოფიციალურ განცხადებას გაავრცელებს.

 

14.06.13

Please follow and like us: