ილიას უნივერსიტეტის ბიზნესის ფაკულტეტზე (სკოლა) დეკანს და პროფესორებს, რომლებიც ფაკულტეტის (სკოლა) პოლიტიკას წარმართავენ და პასუხისმგებელნი არიან სასწავლო პროცესსა და სწავლის ხარისხზე, შესაბამისი პროფესიული კვალიფიკაცია და სამეცნიერო ხარისხი არ აღმოაჩნდათ. როგორც ირკვევა, ფაკულტეტის (სკოლა) მმართველი პირები და პროფესორები სათანადო სამეცნიერო ხარისხის ან/და კვალიფიკაციის (ბიზნესის ადმინისტრირება/ეკონომიკა) გარეშე უძღვებიან საქმიანობას, რაც წინააღმდეგობაში მოდის პარლამენტის მიერ პირველი მოსმენით მიღებულ კანონთან. საინტერესოა ასევე, რამდენად ინფორმირებულები იყვნენ სტუდენტები აღნიშნულ საკითხთან დაკავშირებით, თუ ვინ უძღვებოდა ფაკულტეტს (სკოლა), სადაც ისინი უმაღლეს განათლებას იღებდნენ. 12 ივნისს სწორედ თბილისი თაიმსის საშუალებით გამოითქვა ილიას უნივერსიტეტის ბიზნესის ფაკულტეტის (სკოლა) სტუდენტების უკმაყოფილება სასწავლო პროცესში სწავლების ხარისხის სისტემურ პრობლემებთან დაკავშირებით.
უნივერსიტეტის წესდების შესაბამისად: ფაკულტეტის მართვის ორგანოებია: ფაკულტეტის დეკანი, ფაკულტეტის ხარისხის უზრუნველყოფის სამსახური და ფაკულტეტის საბჭო. შესაბამისად, ფაკულტეტს (სკოლას) მთლიანად ზემოთ ჩამოთვლილი თანამდებობის პირები მართავენ. საინტერესოა რა ბედი ეწევა ფაკულტეტის (სკოლა) 5000-მდე სტუდენტს, შეძლებს თუ არა განათლების სამინისტრო სტუდენტებს მოსალოდნელი პრობლემები გადაუწყვიტოს.
