სამხრეთ ამერიკული ტურნეს ფარგლებში, საქართველოს საგარეო საქმეთა მინისტრი თამარ ბერუჩაშვილი ჩილეს რესპუბლიკაში იმყოფება, სადაც ოფიციალურ შეხვედრებს მართავს. მინისტრმა საჯარო ლექცია წაიკითხა ჩილეს დიპლომატიურ აკადემიაში.
ღონისძიებას აკადემიის მსმენელები და პროფესორ-მასწავლებლები დაესწრნენ. საკუთარ გამოსვლაში მინისტრმა დამსწრე საზოგადოებას გააცნო საქართველო, ქვეყნის საგარეო პოლიტიკური მიზნები და მისწრაფებები. მინისტრმა ისაუბრა ლათინური ამერიკის თანამშრომლობის სტრატეგიაზე და ხაზი გაუსვა ჩილესა და საქართველოს შორის ურთიერთობის სამომავლო პერსპექტივებს.
აღსანიშნავია, რომ ჩილეს რესპუბლიკაში ვიზიტის ფარგლებში დაგეგმილია მინისტრის შეხვედრა ჩილეს საგარეო საქმეთა მინისტრთან ერალდო მუნიოსთან, ასევე გაიმართება შეხვედრები ჩილეს ეროვნულ კონგრესში. ვიზიტის ფარგლებში დაგეგმილია „საქართველოს მთავრობასა და ჩილეს რესპუბლიკის მთავრობას შორის ორდინალური პასპორტების მფლობელთათვის უვიზო მიმოსვლის შესახებ შეთანხმების“ ხელმოწერა.