ჩრდილოეთ ირლანდიაში კურორტ ლოხ-ერნში „დიდი რვიანის“ სამიტი იწყება. სამიტი ორი დღე გაგრძელდება და მისი მთავარი თემა სირიის საკითხი იქნება.
სამიტის გახსნამდე, კვირას დიდი ბრიტანეთის პრემიერ-მინისტრი დევიდ კამერონი რუსეთის პრეზიდენტ ვლადიმერ პუტინს შეხვდა. ორივე მათგანი ასევე შეხვდება ამერიკის პრეზიდენტ ბარაკ ობამას, რომელმაც ცოტა ხნის წინ განაცხადა, რომ სირიასთან დაკავშირებით ამერიკის მორიგ ქმედებას კონგრესთან და მოკავშირეებთანაც განიხილავდა.
შეხვედრის შემდეგ კამერონმა და პუტინმა აღნიშნეს, რომ უთანხმოებების მიუხედავად, ბევრ საკითხში მათი პოზიციები ემთხვევა. კამერონის თქმით, სირიაში სისხლისღვრაზე პასუხისმგებლობა ქვეყნის პრეზიდენტ ბაშარ ალ-ასადს ეკისრება. პუტინმა კი აღნიშნა, რომ სირიაში არსებულ მდგომარეობაში დამნაშავე „ორივე მხარეა“ და მან დასავლეთს მოუწოდა თავი შეიკავონ მეამბოხეების შეიარაღებისაგან.
სირიის საკითხის გარდა, „დიდი რვიანის“ სამიტზე გლობალური ეკონომიკური თემების განხილვაც იგეგმება.
სამიტში მონაწილეობას მიიღებენ: აშშ-ს, გერმანიის, საფრანგეთის, დიდი ბრიტანეთის, იაპონიის, კანადის და რუსეთის ლიდერები.
17.06.13
