საბერძნეთის ფინანსთა მინისტრმა იანის ვარუფაკისმა, კვირის რეფერენდუმის შემდეგ თანამდობიდან გადადგომის შესახებ განცხადება დაწერა.
მინისტრი აღნიშნავს, რომ მისი ვალია, დაეხმაროს პრემიერ-მინისტრს ალექსის ციპრასს, რათა გამოიყენოს ის კაპიტალი, რომელიც ბერძენმა ხალხმა რეფერენდუმით ხელისუფლებას მისცა.
“რეზულტატების გამოცხადების შემდეგ, ჩემთვის ცნობილი გახდა, რომ ევროჯგუფის მონაწილეები და სხვა პარტნიორები თვლიან, რომ თუ მე მოლაპარაკებებზე არ ვიქნებოდი, მათ ეს საბერძნეთთან შეთანხმების მიღწევაში დაეხმარებოდათ. ამიტომ მე ვტოვებ ფინანსთა მინისტრის თანამდებობას”, – ნათქვამია იანის ვარუფაკისის განცხადებაში
რეფერენდუმზე საბერძნეთის მოსახელბის 61%-მა კრედიტორებისთვის ვალის დაბრუნებაზე უარი განაცხადა, 39%-მა კი ევროპული ბანკების მოთხოვნას ეთანხმება. საბერძნეთის ხელისუფლებამ განაცხადა, რომ არჩევნები დემოკრატიის გამარჯვება გახდა, თუმცა ევროჯგუფის ლიდერმა რეფერენდუმის შედეგებს ქვეყნის მომავლისთვის “ძალიან სამწუხარო” უწოდა.
