კვირა 12 ივლისი ცხელი შუა-დღის 2 საათი დედაენის ბაღი, ადგილი სადაც შეგიძლია დაისვენო, იყიდო, გაყიდო, გააჩუქო ნებისმერი ნივთი ან მოუსმინო მუსიკას. მიირთვა “მაკას ლობიანი” გიორგის არყიანი სპრაიტი ან უბრალოდ “ჰოთ-დოგები“ და ტკბილეული. აქ შეგიძლიათ წააწყდეთ ბევრ ნაცნობსა თუ უცნობ სახეს, სხვადასხვა საინტერესო ნივთსა და ორგინალურ წარწერებს. ეს “ძველმანების ბაზრობა” “Tbilisi Flea Market-ია” რომელიც 2014 წლის 6 აპრილიდან ფუნქციონირებს და უკვე მეორე წელია ყოველ ორ კვირაში ერთხელ, დედაენის ბაღში კვირა დღეს იმართება.
ღონისძიების ორგანიზატორი ქეთი მანგოშვილი: “იქიდან გამომდინარე, რომ საქართველოში მსგავსი სახის ღონისძიება არ ტარდებოდა, გადავწყვიტე გამეკეთებინა. მეგობრების დახმარებითა და სოციალური ქსელის მეშვეობით გავავრცელეთ ინფორმაცია. თავდაპირველად ღონისძიებაში მონაწილეობა მიიღეს ნაცნობებმა, საკმაოდ ბევრი ხალხი მოვიდა. მეორე “Flea Market”-ზე კიდევ უფრო მეტი და მივხვდით, რომ სწორედ მოვიქეცით, გადაულახავი არაფერი ყოფილა, მოვიპოვეთ ნებართვა და თემატურად გავაკეთეთ მშრალ ხიდთან ახლოს. ღონისძიებაში მონაწილეობა ნებისმერ მსურველს შეუძლია. ამინდების შესაბამისად ”Flea Market” ტარდება ადრეული გაზაფხულიდან და გრძელდება გვიან შემოდგომამდე.”
არიან ღონისძიების ისეთი მონაწილეებიც, რომლებსაც არც ერთი ”Flea Market” არ გამოუტოვებიათ. ნიკოლოზ ლუტიძე-ყიდის ფერად დღიურებს და მაშკა დავლიანიძე, რომელიც ყიდის პირსინგებს, კრისტალებსა და სხვა საინტერესო აქსესუარებს.
ამ “ფერად სამყაროს” დღეს მეც ვესტუმრე და რამდენიმე საინტერესო ნივთიც შევიძინე. დედაენის “ფერადი ბაღი” კი დადებითი ემოციებით დატვირთულმა დავტოვე.
მასალა მოამზადა
სალომე აფხაზაშვილმა
