პირველადი მოხმარების მედიკამენტებზე, სავარაუდოდ, ფასი შემცირდება. როგორც ჟურნალისტებს მთავრობის დღევანდელი სხდომის დაწყებამდე ჯანდაცვის მინისტრმა დავით სერგეენკომ განუცხადა, შესაბამის გეგმაზე უწყება უკვე მუშაობს.
მინისტრის განმარტებით, 200-ზე მეტი დასახელების პირველადი მოხმარების მედიკამენტებზე ფასების შემცირება შემოდგომიდან იგეგმება.
“მედიკამენტებზე ხელმისაწვდომობის გაზრდა დღეს ერთ-ერთი მთავარი გამოწვევაა ჯანდაცვის სისტემაში. ვფიქრობ, ეს მოხერხდება პირველადი მოხმარების ე.წ. ესენციურ მედიკამენტებზე ნაბიჯ-ნაბიჯ. ეს დაიწყება გეგმის მიხედვით შემოდგომიდან, როდესაც 200-ზე მეტ ძირითად მედიკამენტზე მოვახერხებთ ფასების დაწევას. ამის მიღწევის ინსტრუმენტები არის ორი: კონკურენციის გაზრდა და მეორე – ხარისხის სისტემის მწყობრი სისტემის უზრუნველყოფა, რომ იაფიანმა, მაგრამ შესაბამისად უხარისხო მედიკამენტებმა არ დაიკაონ ეს ნიშა. ამასთან დაკავშირებით გვაქვს გეგმა”, – განაცხადა სერგეენკომ.
