დღეს ბევრი ადამიანი “შეპყრობილია” ე.წ გარუჯვა “მანიით”. ჩვენი მორიგი ბლიც-გამოკითხვა გარუჯვას და კონკრეტულად სოლარიუმების აპარატებს ეხება. სად და როგორ გავიურუჯოთ ეფექტურად; სოლარიუმის რომელი აპარატია ხარისხიანი და უსაფრთხო; რომელ აპარატს ჰყავს ხშირი მომხმარებელი და რატომ.
“თბილისი თაიმსმა“ საქართველოში არსებული სოლარიუმის სხვადასხვა წარმომადგენელი კომპანია გამოკითხა:
ნატალი:
„სილამაზის სალონების ქსელში „ნატალი“ თქვენ შეგიძლიათ გაირუჯოთ მსოფლიოს ერთ-ერთი წამყვანი კომპანიის Tecnosole-ის სოლარიუმებში. Tecnosole ძალიან ცნობილი ბრენდია და უკვე დიდი ხანია მსოფლიო ბაზარზე თავი დაიმკვიდრა, როგორც თანამედროვე და წარატებულმა კომპანიამ. ამ კომპანიის სოლარიუმებში დაცულია ჯანდაცვის მოთხოვნები და ისინი არამარტო რუჯისთვის, არამედ სამკურნალო პროცედურებისთვისაც გამოიყენება, როგორიცაა ფსორიაზი, ოსტეოპოროზი და სხვა.
სწორედ ზემოთ ჩამოთვლილი პარამეტრების გამო შევარჩიეთ კომპანია Tecnosole -ის სოლარიუმის აპარატები.
დასაწოლ და დასადგომ სოლარიუმის აპარატებს შორის ის სხვაობაა, რომ დასადგომი აპარატები უფრო მალე გარუჯვის საშუალებას იძლევა, თუმცა დასაწოლი აპარატები მეტად კომფორტულია. ასევე დასაწოლ აპარატებში უკეთესად ირუჯება ფეხები. ამ ორი ტიპის სოლარიუმის აპარატის გარდა, სილამაზის სალონების ქსელში „ნატალი“ შესაძლებელია მხოლოდ სახისა და დეკოლტის გარუჯვა. ამისათვის ჩვენთან სპეციალური სოლარიუმის აპარატი გვაქვს. მას ძირითადად მაშიმ მიმართავენ როდესაც სხეული გარუჯულია და მხოლოდ სახესა და დეკოლტეზე ესაჭიროებათ რუჯის დამატება. ასე რომ, სამივე სოლარიუმის აპარატი საჭიროა თანაბარი რუჯის მისაღებად.
რაც შეეხება უპირატესობის მინიჭებას, იქიდან გამომდინარე, რომ დასადგომ სოლარიუმში რუჯის მიღება უფრო მალე ხდება, შეიძლება ითქვას, რომ გარკვეულ უპირატესობას მას ანიჭებენ.
„ნატალიში“ ყველა ტიპის სოლარიუმის მომსახურების 1 წუთის საფასური 2 ლარია, გარდა ახალი დასაწოლი აპარტისა DEVIL, რომელსაც განსაკუთრებული დამატებითი კომფორტი აქვს და აქ წუთის ღირებულებაა 3 ლარი.
რაც შეეხება ფასდაკლებებს, „ნატალი“ მომხმარებელს სთავაზობს აბონიმენტის სისტემას, რაც თავისთავად ფასდაკლებას გულისხმობს. თუმცა პერიოდულად სხვა ფასდაკლების აქციებიც გვაქვს.
ჩვენი კომპანიის სტატისტიკიდან გამომდინარე სოლარიუმში გარუჯვაზე მოთხოვნამ იმატა და „ნატალიში“ ცალკე სოლარიუმ კლუბი გავაკეთეთ, სადაც დავამატეთ სოლარიუმის აპარატები.“
გია გვარამიას კლინიკა:
“აპარატურა ჩამოგვაქვს გერმანიიდან და ვარჩევთ ხარისიხის მიხედვით. დასაწოლ აპარატს აქვს სენსორი, რომელიც არ წვავს კანს. დასადგომი აპარატს აქვს ვიბრო მასაჟორი. მომხმარებელი თანაბრად ირჩევს ორი აპარატს.
ფასები ყოველთვის ფიქსირებულია ჩვენთან და ღირს 1.50 ლარი. აქციები გვაქვს სეზონურად, ასევე დღესასწაულებზე. მომხმარებელმა იმატა ბოლო ერთი წლის განმავლობაში.”
მიქს სთაილი:
„სოლარიუმის აპარატები ჩამოგვაქვს გერმანიიდან. ფირმა ერგოლაინის აპარატები, რომლებსაც ვარჩევთ ხარისხისა და სანდოობის მიხედვით. აპარატურა აუცილებლად უნდა იყოს თანამედროვე და კომფორტული.
დასადგომი აპარატი ბევრად კომფორტულია და უკეთესია ტანის ერთიანი რუჯისთვის, ხოლო დასადგომი აპარატი მეტად რუჯავს ზედა ტანს. საბოლოო ჯამში ორივე აპარატი ეფექტურია და მოთხოვნაც მათზე თანაბარია.
ჩვენ გვაქვს ფიქსირებული ფასები. დასადგომი აპარატის ფასია – 1.50 ლარი, დასაწოლი აპარატის 2.50 ლარი. ხშირად გვაქვს ფასდაკლებები და აქციები. ხდება ფასების განახევრებაც. მომხმარებელის რიცხვმაც იმატა ბოლო ერთი წლის განმავლობაში.“
ერგოლაინი:
„ჩვენ ვართ კომპანია ერგოლაინის ოფიციალური წარმომადგენლები საქართველოში. აპარატურა ჩამოდის გერმანიიდან, ძირითად აქცენტს აპარატის შერჩევისას ვაკეთებთ მის სიმძლავრეზე.
დასაწოლი აპარატი მეტად კომფორტულია ვიდრე დასადგომი აქედან, გამომდინარე მომხმარებლები უპირატესობას ანიჭებენ დასაწოლ აპარატს.
რაც შეეხება ფასებს, გვაქვს ფიქსირებული ფასი დასაწოლი აპარატი ღირს 2.60 ლარი ხოლო, დასადგომი 93 თეთრი. გვაქვს აქციები ზამთარში და ახალ წლებზე. მომხმარებელიც მუდმივად გვყავს.“
სოლარისი:
„აპარატურას ვიწერთ გერმანიიდან, ვარჩევთ ხარისხის, გამძლეობისა და ბრენდის ცნობადობის მიხედვით.
ორივე აპარატს თავისებური დატვირთვა აქვს, აქედან გამომდინარე მომხმარებელიც ორივეს თანაბრად ჰყავს.
გვაქვს ფიქსირებული ფასები. წუთი ერთი ლარი. მომხმარებელს ყოველთვის ვთავაზობთ ფასდაკლებებს. მათი რიცხვიც ნლ-ნელა იზრდება და ჩვენც ვფართოვდებით.”
მოამზადა
სალომე აფხაზაშვილმა
