ჩრდილოეთ ერაყში მომხდარი თავდასხმების შედეგად ცხრა ადამიანი დაიღუპა. ოფიციალური პირების განცხადებით, თავდასხმები ქალაქ მოსულში მოხდა, სადაც თვითმკვლელმა ტერორისტმა ავტომობილი ააფეთქა. შედეგად ოთხი ადამიანი, მათ შორის ერთი პოლიციელი დაიღუპა.
ტერაქტი მოხდა ასევე ბაღდადიდან 200 კილომეტრის დაშორებით, სადაც შეიარაღებულმა პირმა სამი პოლიციელი მოკლა და მეოთხე დაჭრა. მომხდარ შეტევებზე პასუხისმგებლობა არავის აუღია.
23.06.13
