საქართველოს თავდაცვის მინისტრსა და პოლონეთის ეროვნული თავდაცვის მინისტრს შორის გამართულ შეხვედრას კონკრეტული შედეგი მოჰყვა.
როგორც “თბილისი თაიმსს” სამინისტროდან აცნობეს, მინისტრთა შეთანხმებით, პოლონეთის რესპუბლიკა ნატო-საქართვლოს არსებითი პაკეტის იმპლემენტაციის პროცესში აქტიურად ჩაერთვება და სამხედრო პოლიციის შესაძლებლობების განვითარების მიმართულებას უხელმძღვანელებს.
ამასთან, როგორც ორი ქვეყნის თავდაცვის მინისტრებმა აღნიშნეს, პოლონეთის რესპუბლიკა კიდევ უფრო გააფართოებს საქართველოს შეიარაღებული ძალების შესაძლებლობების განვითრებას და ქართველ სამხედრო მოსამსახურეებს დამატებით შესთავაზებს ინგლისური ენის კურსებს, რაც ქართულ ჯარს უფრო თავსებადს გახდის ნატოს სტანდარტებთან.
