პრემიერ-მინისტრი ბიძინა ივანიშვილი, სრულიად საქართველოს კათოლიკოს-პატრიარქ ილია მეორესთან ერთად “ივენთ ჰოლში” “საქართველოს დემოგრაფიული აღორძინების ფონდის” პრეზენტაციას და საზეიმო კონცერტს დაესწრო.
კონცერტის დასრულების შემდეგ ფონდის ხელმძღვანელმა დიმიტრი ხუნდაძემ კათოლიკოს პატრიარქს და პრემიერ-მინისტრს ფონდის სიმბოლო – დემოგრაფიული ხე გადასცა.
“მე მშობლების მეშვიდე შვილი ვარ. 7 ბედნიერი რიცხვია და ბედნიერია ის მშობელი, ვისაც 7 და მეტი შვილი ჰყავს”, – ბრძანა პატრიარქმა.
მისი თქმით, უპირველესად ყურადღება უნდა მიექცეს ოჯახის დაბალი კულტურის ამაღლებას, რისთვისაც, პატრიარქი გამოდის ინიციატივით, ზოგადსაგანმანათლებლო სკოლებში შევიდეს საგანი – მომზადება ოჯახური ცხოვრებისთვის .
დღესვე პატრიარქმა ქართველ ემიგრანტებს სამშობლოში დასაბრუნებლად კურთხევა მისცა.
პრემიერ-მინისტრმა ბიძინა ივანიშვილმა იმედი გამოთქვა, რომ პატრიარქის ლოცვა- კურთხევით, ქვეყანაში არსებული მძიმე დემოგრაფიული ვითარება გამოსწორდება.
კონცერტს ესწრებოდნენ საქართველოს შეიარაღებული ძალების წარმომადგენლები. დარბაზმა წუთიერი დუმილით პატივი მიაგო ავღანეთში დაღულუპულ მებრძოლებს.
24.06.13
