საქართველოში ევროკავშირის ელჩი, იანოშ ჰერმანი “რუსთავი 2”-ის გარშემო განვითარებულ მოვლენებზე კომენტირებისგან ამ ეტაპზე თავს იკავებს.
როგორც ელჩმა აღნიშნა, ამ საკითხის კომენტირება ახლა არ სურს და ჯერ უნდა გაესაუბროს ადამიანებს, რომლებიც სწორ ინფორმაციას მიაწვდიან. ამასთან, ელჩი არ გამორიცხავს, რომ ამაზე მოგვიანებით ისაუბრებს, როცა უკეთ იქნება ინფორმირებული.
„ამის შესახებ დღეს პრესაში წავიკითხე და კომპეტენტური პირებისთვის ჯერ არ გამომიკითხავს. ზოგადად, ჩვენთვის ძალიან მნიშვნელოვანია მედიის თავისუფლება“, – განაცხადა იანოშ ჰერმანმა.
