“ბიბისი”-ს ინფორმაციით, ევროკავშირი-თურქეთის მოლაპარაკებები დღეს იყო დაგეგმილი. თუმცა გერმანიამ, ავსტრიამ და ნიდერლანდებმა თურქეთი ანტისამთავრობო აქციების დარბევისთვის მკაცრად გააკრიტიკეს და მოლაპარაკებების გადადება მოითხოვეს.
ევროკავშირის საგარეო საქმეთა მინისტრებმა მხარი დაუჭირეს გერმანიის წინადადებას, დაახლოებით ოთხი თვის განმავლობაში მაინც გადაიდოს თურქეთის ევროკავშირში გაწევრიანების მოლაპარაკებები.
აღსანიშნავია, რომ თურქეთის დედაქალაქ ანკარაში პოლიციამ კიდევ 20 ადამიანი დააკავა სტამბოლში სამართალდამცავებზე თავდასხმის ბრალდებით. თურქული მედიის ცნობით, დაკავებულებს ასევე ბრალს სდებენ “ტერორისტული ორგანიზაციის” წევრობაში.
თურქეთმა ევროკავშირში გაწევრიანების თაობაზე მოლაპარაკებები 2005 წელს დაიწყო.
27.06.13