საქართველოს პრეზიდენტის გიორგი მარგველაშვილის განცხადებით, საქართველო დემოკრატიული ქვეყანაა და შედეგება კიდევ უფრო ძლიერ დემოკრატიულ ქვეყნად.
მისი თქმით, როდესაც მედიის მრავაფეროვნება იქნება გარანტირებული, იქნება ეს “რუსთავი 2” თუ სხვა მედიასაშუალებები, ეს საქართველოს დემოკრატიულობის წინაპირობა იქნება. “რუსთავი 2”-ის ჟურნალისტის მიერ დასმული კითხვის საპასუხოდ, რომელიც არხის გარშემო განვითარებულ მოვლენებს ეხებოდა, პრეზიდენტმა აღნიშნა, რომ მას შეფასების გაკეთება გაუჭირდება, რადგან ისრაელში ოფიციალური ვიზიტი საკმაოდ დატვირთული აქვს.
„რთულია ასეთი ინტენსიური მუშაობის პირობებში როგორშიც ახლა მე ვარ ეს ორი დღეა, დეტალურად მოგცეთ ჩემი შეფასება ამ საკითხზე. მე მესმის რომ თქვენც გიწევთ რთულ პირობებში მუშოაბა. არის რამდენიმე პრინციპული საკითხები და ეს უკავშირდება საქართველოს დემოკრატიულობას. საქართველო დემოკრატიული ქვეყანაა და შედეგბა კიდევ უფრო ძლიერ დემოკრატიულ ქვეყნად იმ ფონზე და იმ ვითრებაში, როდესაც მედიის მრავაფეროვნება იქნება გარანტირებული, იქნება ეს “რუსთავი 2” თუ სხვა მედიასაშუალებები, ეს იქნება წინაპირობა ჩვენი დემოკრატიულობის. მე მუდმივი კავშირი მაქვს თბილისთან, მუდმივად ვადევნებ თვალყურს რაც მიმდინარეობს იქ, რასაც დაბრუნების შემდეგაც გავაგრძელებ. ჩვენი სახელმწიფოებრიობა დგას მრავალფეროვნებაზე ქართული მედიის და აგრეთვე მნიშვნელოვანი და გასათვალისწინებელია ის ფონი, რომელშიც ჩვენ პოლიტიკურად ახლა ვიმყოფებით. ჩვენ ვართ ქვეყანა, რომელიც ორიენტირებულია ევროპულ ღირებულებებზე, ევროპული ტიპის საზოგადოების და პოლიტიკური სისტემის აშენებაზე, ამ ფონზე მედიის მრავალფეროვნება განსაკუთრებით იმ პროცესებში, როდესაც ჩვენ რეალურად შევდივართ საარჩევნო წელიწადში, არის უმნიშვნელოვანესი. საქართველოში დაბრუნების შემდეგ მე კიდევ უფრო აქტიურად ჩავერთვები ჩემ კოლეგებთან ერთად ამ საკითხის განხილვაში“, – განაცხადა პრეზიდენტმა.