დღეს, კულტურის სამინისტროში, საქართველოს კულტურისა და ძეგლთა დაცვის მინისტრი მიხეილ გიორგაძე და სომხეთის კულტურის მინისტრი ჰასმიკ პოღოსიანი ორ უწყებას შორის, 2016-2018 წლებში, კულტურის სფეროში თანამშრომლობის მემორანდუმს მოაწერენ ხელს.
მემორანდუმი გულისხმობს მხარეებს შორის, კულტურის სხვადასხვა დარგის – თეატრის, კინოს, სახვითი ხელოვნების, ლიტერატურის, კულტურული მემკვიდრეობის მიმართულებით მჭიდრო თანამშრომლობას. მხარეები 2016-2018 წლებში უზრუნველყოფენ სხვადასხვა ერთობლივი კულტურული ღონისძიების ორგანიზებას, რაც ქვეყნებს შორის თანამშრომლობის გაღრმავებას შეუწყობს ხელს.
სომხეთის დელეგაცია, პრეზიდენტ სერჟ სარგსიანის ხელმძღვანელობით თბილისს 30 ოქტომბერს ეწვევა. დელეგაციის წევრებს შორის სომხეთის კულტურის მინისტრი და სხვა მაღალი თანამდებობის პირები არიან.
