“დერ შპიგელმა” კვირას გამოაქვეყნა სტატია სადაც ამერიკის სადაზვერვო სამსახურების ევროკავშირზე ჯაშუშობაზეა ლაპარაკი და წყაროდ ამერიკის სადაზვერვო სამსახურის ყოფილი კონტრაქტორის და ამჟამად ამერიკის მიერ ჯაშუშობისთვის ძებნილად გამოცხადებული ედუარდ სნოუდენისგან მიღებულ დოკუმენტი მიუთითა.
2010 წლით დათარიღებულ დოკუმენტში ნათქვამია, რომ ამერიკის ეროვნული უშიშროების სააგენტომ ვაშინგტონში, გაეროსა და ბრიუსელში მდებარე ევროკავშირის ოფისებში მოსასმენი აპარატურა დააყენა და პერსონალის მიმოწერაზე დასაკვირვებლად კომპუიტერული ქსელი გატეხა.
ევროპარლამენტის პრეზიდენტმა მარტინ შულცმა ამერიკას ბრალდებასთან დაკავშირებით დაუყოვნებელი განმარტება და დამატებითი ინფორმაცია მოსთხოვა. შულცის თქმით, თუ ინფორმაცია დადასტურდა, მას ევროკავშირსა და ამერიკას შორის ურთიერთობაზე უარყოფითი გავლენა ექნება.
„ერთი იმას ვიტყვი, რომ ყველა ქვეყანა, რომელიც საერთაშორისო ურთიერთობებშია ჩართული და ეროვნული უშიშროების დაცვას ცდილობს, ახორციელებს სხვადასხვა საქმიანობას, საკუთარი ინტერესების დასაცავად და ამაში კი უამრავი სხვადასხვა სახის ინფორმაცია შედის.“
ესე უპასუხა ამერიკის სახელმწიფო მდივანმა ჯონ კერიმ ევროკავშირის მხრიდან გაკეთებულ განცხადებებს.
02.07.13
