17 ნოემბრიდან სენეგალში ქალებისთვის ჩადრის ტარება აიკრძალა. როგორც ქვეყნის პრეზიდენტმა – მაკი სალმა განცხადა, ჩადრი ისლამის რელიგიურ გაგებას არ შეესაბამება და ეს ტერორიზმის წინააღმდეგ გადადგმული პრევენციული ნაბიჯია, რადგანაც ხშირად ტერორისტები სახეს ჩადრით იფარავენ.
ქვეყნის შინაგან საქმეთა მინისტრის განცხადებით, ნაბიჯი ანტიისლამურად ვერ განიხილება, რადგანაც სენეგალი ძირითადად მუსლიმანური სახელმწიფოა – ქვეყნის მოსახლეობის 95 % მაჰმადიანია.
აბდულა დოუადას თქმით, ხშირად ჯიჰადისტები ისლამურ სამოსს ეფარებიან და ამ ფაქტების თავიდან ასაცილებლად, მსგავსი ღონისძიების ჩატარება აუცილებელი გახდა.
მიუხედავად იმისა, რომ ქვეყანა ტერორიზმის მსხვერპლი არასდროს ყოფილა, ხელისუფლება შიშობს, რომ ისლამური ბოევიკური დაჯგუფება – Boko Haram-ი აუცილებლად გაფარდოვდება. ხელისუფლებამ უკვე 4 იმამი დააკავა, რომლებიც ამ ნიგერიულ ტერორისტულ დაჯგუფებასთან კავშირში იქნენ შემჩნეული. Boko Haram-ის მიერ დახოცილ ადამიანთა რაოდენობა 17 000-დან 20 000-მდე აღწევს.
სენეგალი უკვე მეხუთე სახელმწიფოა, სადაც ისლამური სამოსის ტარება შეიზღუდა.
