თბილისის მერიის დაქვემდებარებაში არსებულ სასწრაფო სამედიცინო დახმარების ცენტრი ახალი ავტომანქანებით შეცვლება აღნიშნულის შესახებ ინფორმაციას დედაქალაქის მერი გიგი უგულავა საკუთარ „ფეისბუქის” გვერდზე წერს.
„მერიის მიერ გამოცხადებულ ტენდერში კომპანია „Fiat”-მა გაიმარჯვა. თბილისის მერია ავტოპარკის სრულად განახლებას ოქტომბერში გეგმავს და სასწრაფო სამედიცინო დახმარების ცენტრის კუთვნილი 80 ავტომობილი, ახალი მანქანებით შეიცვლება, რაც მოსახლეობის დროულ და ეფექტურ მომსახურებას უზრუნველყოფს.
მიმდინარე წელს ასევე იგეგმება სასწრაფო სამედიცინო დახმარების ინფრასტრუქტურის გაუმჯობესება. განხორციელდება სასწრაფოს კუთვნილი შენობების რეაბილიტაცია და რემონტი.”- წერს უგულავა :ფეისბუქზე”
სასწრაფოს ახალი მანქანები დღეს თბილისის მერმა გიგი უგულავამ დაათვალიერა, სასწრაფო სამედიცინო დახმარების ცენტრის პერსონალს შეხვდა და სიახლეები პირადად გააცნო.
05.07.13
