„CBC “-ის ცნობით, კანადაში მატარებლის შემადგენლობა ნავთობით დატვირთული ცისტერნებით გადავიდა ლიანდაგებიდან და აფეთქდა.
ცეცხლის ალშია გახვეული ქალაქ ლაკ-მეჟანტიკის მნიშვნელოვანი ნაწილი. იწვის საცხოვრებელი სახლები.
6000-იანი ქალაქი ევაკუირებულია. მსხვერპლზე ჯერ არ არის ინფორმაცია, თუმცა რამდენიმე ადამიანი უკვალოდ არის გამქრალი.
ლაკ-მეჟანტიკი მონრეალიდან 250 კილომეტრში მდებარეობს. მატარებლის შემადგენლობაში იყო 73 ცისტერნა.
როგორც იტყობინებიან, მოხდა ნავთობის ჩადინება მდინარე შოდიერში. ცეცხლს ებრძვის 100-მდე მეხანძრე – მეხანძრეებს აშშ-დანაც ეხმარებიან.
08.07.13
