,,თუ ნემსს შეამჩნევთ ხურდის ჩასაყრელთან, აუცილებლად მოახდინეთ რეაგირება“

,,ფეისბუკში” გავრცელდა პოსტი, რომლითაც სოციალური ქსელის მომხმარებელი – ქრისტინე ზირაქაძე საზოგადოებას აფრთხილებდა:

,,გუშინ ისეთი ამბავი გავიგე, შოკირებული ვარ. მინდა, თქვენც გითხრათ და გაგაფრთხილოთ ისე, როგორც ჩემი ოჯახი და ახლობლები გავაფრთხილე. მოკლედ, ერთ-ერთ ბიჭს, რომელსაც აქვს შიდსი ისეა გაბოროტებული რომ ნემსზე, რომელზეც თავისი სისხლია უმნიშვნელოდ დატანილი დებს ჩასარიცხი აპარატის ხურდის ჩასაყრელში რომ ვინმეს უჩხვლიტოს და ისიც დაინფიცირდეს.

უკვე დაინფიცირებულია 6 ადამიანი. ისინი გამოვლინდნენ ოფისში დარეკვის შედეგად, რომლებმაც თითი დაიზიანეს და ბევრი ფიქრის მერე ეჭვი მიიტანეს, რომ ვიღაცას სურდა დაინფიცირებულიყო სხვაც და მართალი აღმოჩნდა. მოკლედ ფრთხილად იყავით. არ შემეძლო არ გამეფრთხილებინეთ და თუ ნემსს შეამჩნევთ ხურდის ჩასაყრელთან აუცილებლად მოახდინეთ რეაგირება. დაიცავით სხვებიც თქვენთან ერთად”, – წერდა ფეისბუქმომხმარებელი.

საინტერესოა, რამდენად შეესაბამება ფაქტი სიმართლეს და რამდენად რეალურია მსგავსი ქმედებებით შიდსით დაინფეცირების საფრთხე?

შიდსის გადაცემისათვის საჭიროა:   სისხლის საკმარისი რაოდენობა,   აივ-ინფექციის ვირუსებით საკმარისად გაჯერებული სისხლი,  თხევადი და არა შედედებული სისხლი.

       ცნობილია შიდსის ვირუსის გადაცემის სამი გზა:

·        სქესობრივი კონტაქტით (ვაგინალური, ანალური და ორალური);

·        ინფიცირებული სისხლის ან მისი ცალკეული კომპონენტების გადასხმით (აივ ინფიცირებულის სისხლით დაბინძურებული შპრიცის, ნემსის და სხვა სამედიცინო ინსტრუმენტების გამოყენებისას);  შიდსის ვირუსი გარემოში არამდგრადია, თუმცა ადამიანის ორგანიზმის გარეთ მისი არსებობის ზუსტი ხანგრძლივობა არ არის მითითებული, დრო შეიძლება იყოს რამდენიმე წუთიდან რამდენიმე საათამდე. ვირუსი სიცოცხლეს ინარჩუნებს იმ სითხის გამოშრობამდე, რომელის გარემოშიც მოხვდა.

·    ინფიცირებული დედიდან ნაყოფზე ან ახალშობილზე გადაცემის გზით (მუცლადყოფნის, მშობიარობის ან ძუძუთი კვების დროს).

შიდსისთვის დამახასიათებელი სიმპტომებია:

ინკუბაციური პერიოდის განმავლობაში, რომელიც საშუალოდ 3-10 წელს გრძელდება, ინფიცირებული ადამიანი თავს პრაქტიკულად ჯანმრთელად გრძნობს. შიდსი კლინიკურად გამოვლინდება იმუნური სისტემის ღრმა დაზიანების შემდეგ და ხასიათდება მრავალფეროვანი სიმპტომატიკით. ყველაზე ხშირად მას ახასიათებს:

·        ტემპერატურის უმიზეზო მომატება 1 თვეზე მეტი ხნის მანძილზე;

·        ლიმფური კვანძების გადიდება;

·        ძლიერი საერთო სისუსტე;

·        მუქი წითელი ფერის ლაქები  კანსა და ლორწოვან გარსებზე;

·        გახანგრძლივებული პნევმონია (ფილტვების ანთება), რომელიც არ ექვემდებარება ჩვეულებრივ მკურნალობას;

·        ძლიერი ოფლიანობა, განსაკუთრებით ღამით;

·        თეთრი ფერის ნადები პირის ღრუს ლორწოვანზე;

·        პათოლოგიური მოვლენები ცენტრალური ნერვული სისტემის მხრივ და სხვ.

მსგავსი შემთხვევები ნამდვილად დაფიქსირდა მსოფლიოს რამდენიმე ქვეყანაში, მათ შორის, ინდოეთსა და ამერიკაში, თუმცა საქართველოში არსებული ინფორმაცია რამდენად შეესაბამება სიმართლეს, ჯერ კიდევ გასარკვევია.

ბევრი ადამიანის მოსაზრებით, საზოგადოებაში პანიკა სპეციალურად გამოიწვიეს და მთავარი მიზანი, გარკვეული ჯგუფების მხრიდან, ხალხში შიშის დანერგვა და ფსიქოლოგიური სტრესის გამოწვევაა.

ნატალია ჯალაღონია