ფეისბუკმომხმარებელი – ირაკლი ორაგველიძე სოციალურ ქსელში ფოტოს აქვეყნებს, რომელზეც იყალოთოს გორაზე მდებარე ერთ-ერთი კორპუსია გამოსახული.
კორპუსზე უკანონო მიშენებებია. ,,ეს შენობა კონკურსგარეშე ჩემპიონია თბილისის გამორჩეულ მახინჯობათა შორის. არცერთი ერთნაირი აივანი!“ -წერს ირაკლი ორაგველიძე.
კანონმდებლობით, უკანონო მშენებლობის აღმოჩენის შემთხვევაში, ზედამხედველობის საქალაქო სამსახური კანონის დამრღვევს, პირველ ეტაპზე, აძლევს სიტყვიერ გაფრთხილებასა და ვადას. ამ დროში მოქალაქემ ადმინისტრაციულ ორგანოში ან მშენებლობისთვის საჭირო დოკუმენტაცი უნდა წარმოადგინოს ან ნებაყოფლობით უნდა გაუკეთოს უკანონო მშენებლობას დემონტაჟი. თუ ამ ხნის მანძილზე მოქალაქემ უკანონო ნაგებობის დემონტაჟი არ გააკეთა, იგი დაჯარიმდება, თუმცა პარალელულად მაინც უნდა მოხდეს შენობის დანგრევა. ჯარიმის საწყისი რაოდენობა ჩვეულებრივ სამშენებლო ზონაში, არაცენტრალურ ქუჩებზე 13 ათასი ლარია, ხოლო განსაკუთრებული რეგულირების ზონაში – გამზირებზე, ძველი თბილისის ქუჩებზე, აღმაშენებელის ხეივანზე და სხვა ჯარიმა 20 ათასი ლარია.
