საქართველოს პარლამენტის თავმჯდომარე, დავით უსუფაშვილი, საპარლამენტო დელეგაციასთან ერთად, 18 იანვარს ოფიციალური ვიზიტით ლატვიის რესპუბლიკას ეწვევა.
ვიზიტის ფარგლებში, საპარლამენტო დელეგაცია, დავით უსუფაშვილის ხელმძღვანელობით, შეხვედრებს ლატვიის რესპუბლიკის პრეზიდენტთან, რაიმონდს ვეიონისთან, ლატვიის რესპუბლიკის პრემიერმინისტრთან, ლაიმდოტა სტრაუჟმასთან და ლატვიის რესპუბლიკის სეიმის სპიკერთან, ინარა მურცნიეცესთან გამართავს.
ქართველი დეპუტატები ლატვიის უნივერსიტეტში მრგვალი მაგიდის ფორმატის დისკუსიაში მიიღებენ მონაწილეობას და ქართულ ანბანთან დაკავშირებული გამოფენის გახსნას დაესწრებიან.
საქართველოს პარლამენტის თავმჯდომარე, რიგაში ადგილობრივი მედიის წარმომადგენლებს შეხვდება და მათ შეკითხევბს უპასუხებს.
საპარლამენტო დელეგაცია, რომლის შემადგენლობაშიც დავით უსუფაშვილთან ერთად თედო ჯაფარიძე, გიორგი კახიანი, მიხეილ მაჭავარიანი და ვიქტორ დოლიძე შედიან, ლატვიის რესპუბლიკაში ვიზიტს 19 იანვარს დაასრულებს.
