საქართველოს პრეზიდენტი დარწმუნებულია, რომ სამართალდამცავი სტრუქტურები პანკისში ვითარებას ბოლომდე აკონტროლებენ, – ამის შესახებ გიორგი მარგველაშვილმა ჟურნალისტებს განუცხადა, როდესაც უპასუხა კითხვას, სერგეი ლავროვმა გააკეთა განცხადება, რომ პანკისის ხეობაში ტერორისტები გადიან წვრთნებს, ასევე გეგმავს თუ არა პანკისში დღეს გამგზავრებას.
“სრულიად დარწმუნებული ვარ, რომ ჩვენი სამართალდამცავი სტრუქტურები ბოლომდე აკონტროლებენ ვითარებას პანკისში, მაგრამ ამასთან ერთად ჩვენ პოლიტიკური ხელმძღვანელებიც მუდმივი ყურადღებით ვართ განწყობილი ამ საკითხთან დაკავშირებით. ბუნებრივია, ეს ყურადღება არც პოლიტიკური ხელმძღვანელობის, არც სამართალდამცავების მხრიდან არასდროს არ მოდუნდება”, – განაცხადა პრეზიდენტმა.
