,,ტერორიზმის საფრთხის მიუხედავად, თურქეთ-საქართველო-აზერბაიჯანის სამმხრივ პროექტებს არაფერი ემუქრება. პროექტებზე გავლენას ვერაფერი მოახდენს”, – აღნიშნა თურქეთის საგარეო საქმეთა მინისტრმა – მევლუთ ჩავუშოღლუმ დღეს გამართულ პრესკონფერენციაზე განაცხადა.
მისივე თქმით, ტერორიზმის არ უნდა შეგეშინდეს, პირიქით, ტერორიზმს ბრძოლა უნდა გამოუცხადო. საგარეო საქმეთა მინისტრის გთქმით, თურქეთი განხორციელებული ტერორისტული აქტების გამო თავის საგარეო პოლიტიკას არ ცვლის და შესაბამისად, მეგობრებთან არანაირი პოზიციების გადახედვას არ აპირებს.
აზერბაიჯანის საგარეო საქმეთა მინისტრ ელმარ მამედიაროვის განცხადებით კი, ტერორიზმის წინააღმდეგ საუკეთესო პასუხი სწორედ ერთად დგომა და სოლიდარობაა.
საქართველოს საგარეო საქმეთა მინისტრი მიხეილ ჯანელიძე ამბობს, ტერორიზმის საფრთხე არსებობს, მაგრამ მის წინააღმდეგ ყველა ქვეყანამ მაქსიმალურად უნდა იბრძოლოს.
,,მაქსიმალურად ვითანამშრომლებთ, ვიქნებით მჭიდრო კავშირში ერთმანეთთან, რომ ეს საფრთხე დავამარცხოთ. რაც შეეხება პროექტებს, ჩვენ მაქსიმალურ ძალისხმევას მივმართავთ, რათა უკვე დაწყებული პროექტები წარმატებით წარიმართოს და ასევე წარმატებული იყოს ახალი პროექტები, რომლებსაც ალბათ მომავალში განვახორციელებთ”, – განაცხადა საგარეო საქმეთა მინისტმა.
ნატალია ჯალაღონია
