თბილისის აკვაპარკში გვიან ღამით გაჩენილი ხანძრის შედეგად ათასამდე კვადრატულ მეტრზე განთავსებული ბუნგალოები და ატრაქციონები განადგურდა.
ხანძრის შედეგად არავინ დაშავებულა. ადგილზე 20 სახანძრო მანქანა და რამდენიმე ერთეული სპეცტექნიკა მუშაობდა. მეხანძრეები ცეცხლის ჩაქრობას საათნახევრის განმავლობაში ცდილოდბნენ.
როგორც ჟურნალისტებს შემთხვევის ადგილზე მყოფმა თბილისის მერიის საგანგებო სიტუაციების სამსახურის უფროსმა თემურ გიორგაძემ განუცხადა, ცეცხლი ერთდროულად ხუთ შენობას ეკიდა. მისი თქმით, იყო საშიშროება, რომ ცეცხლი გვერდით მდებარე საცხოვრებელ შენობებზეც გადასულიყო, რადგან ვითარებას ქარი ართულებდა, თუმცა, საბოლოოდ ხანძარი სხვა შენობებზე არ გავრცელებულა.
რაც შეეხება გამომწვევ მიზეზებს, გიორგაძის განცხადებით, ამაზე საუბარი ჯერ ნაადრევია და მიზეზებს გამოძიება დაადგენს. საგანგებო სიტუაციების სამსახურში ხანძრის შესახებ შეტყობინება წუხელ 21:37 საათზე შევიდა.
17.07.13
