ქართველ სპეციალისტთა ჯგუფი იშხანში სამუშაოებზე მონაწილეობის მისაღებად გაემგზავრა. 6-კაციანმა დელეგაციამ თბილისი დღეს, დილით, დატოვა.
საქართველოს კულტურისა და ძეგლთა დაცვის მინისტრის განცხადებით, ეს იქნება ტაძარზე განხორციელებული სამუშაოების შეფასებითი ვიზიტი და მას ქვეყნისათვის დიდი მნიშვნელობა აქვს.
გურამ ოდიშარიას ინფორმაციით, ქართველი ექსპერტები იშხანში ადგილობრივ კოლეგებს შეხვდებიან და მათ რეკომენდაციებს გაუზიარებენ.
„გარდა ამისა, თურქული მხარე ჩვენ გვპირდება, რომ ჩამოწერს ყველა რჩევას, რაც დატოვა პირველმა და მეორე ექსპედიციამ. ეს მესამე ექსპედიციაა“, – აცხადებს ოდიშარია.
ხვალ, დელეგაციის წევრები ოშკში გადავლენ და ტაძარს მოინახულებენ. ქართველ სპეციალისტთა ჯგუფი საქართველოში, ხვალ, დაბრუნდება.
18.07.13
