საქართველოს პრეზიდენტი მწუხარებას გამოთქვამს ქალაქ როსტოვში სამგზავრო თვითმფრინავის ავიაკატასტროფის გამო. გიორგი მარგველაშვილის განცხადება ადმინისტრაცია ავრცელებს.
“ღრმა მწუხარებას გამოვთქვამ როსტოვში კომპანია flydubai-ის სამგზავრო თვითმფრინავის ავიაკატასტროფის გამო, რომელსაც ათეულობით ადამიანის მსხვერპლი მოჰყვა. ქართველი ხალხის სახელით ვუსამძიმრებ დაღუპულთა ოჯახებს და ვუცხადებ მათ თანადგომას ამ უმძიმეს წუთებში,” – ნათქვამია განცხადებაში.
წუხელ რუსეთში ავიაკატასტროფა მოხდა. ქალაქ როსტოვში კომპანია flydubai-ის კუთვნილი სამგზავრო თვითმფრინავი ჩამოვარდა. ბორტზე 55 მგზავრი და ეკიპაჟის 6 წევრი იმყოფებოდა.
