აშშ-ის ევროპული სარდლობის მეთაური, გენერალი ფილიპ ბრიდლავი საქართველოს ორდღიანი ვიზიტით ეწვევა.“აშშ-ის საელჩო მოხარულია, გაუწყოთ, რომ აშშ-ის შეიარაღებული ძალების ევროპული სარდლობის მეთაური, გენერალი ფილიპ ბრიდლავი საქართველოს 22-23 მარტს ეწვევა.
საქართველოში სტუმრობისას გენერალი ბრიდლავი შეხვდება პრეზიდენტ გიორგი მარგველაშვილს, თავდაცვის მინისტრ თინათინ ხიდაშელსა და საქართველოს შეიარაღებული ძალების გენერალური შტაბის უფროსს, გენერალ-მაიორ ვახტანგ კაპანაძეს.
ვიზიტი ხაზს უსვამს აშშ-საქართველოს ორმხრივი ურთიერთობების მნიშვნელობასა და საქართველოს შეიარაღებული ძალების მიმართ შეერთებული შტატების მადლიერებას საერთაშორისო უსაფრთხოების მისიებში შეტანილი წვლილისათვის. გენერალი ბრიდლავი საქართველოში უკანასკნელად 2014 წლის ოქტომბერში იმყოფებოდა. გენერალი ფილიპ ბრიდლავი ნატო-ს ევროპული ძალების მთავარსარდლის მოვალეობასაც ასრულებს. დღევანდელ თანამდებობაზე დანიშვნამდე გენერალი ბრიდლავი ვაშინგტონში, აშშ-ის საჰაერო ძალების შტაბის უფროსის მოადგილედ მსახურობდა”, – ნათქვამია ინფორმაციაში, რომელიც “პირWელს” ამერიკის საელჩომ მიაწოდა.
