სამშენებლო კომპანია „სვეტი“ წელიწადნახევრის წინ დაფუძნდა და უკვე მიიქცია საზოგადოების ყურადღება. ამის მარტივი მიზეზი არსებობს, კომპანიამ მცირე დროში რამდენიმე მნიშვნელოვანი პროექტი უკვე განახორციელა, მათ შორის, სოციალური.
„სვეტი“ ქართული ნაციონალური ბალეტის ოფიციალური წარმდგენია. „ქართული ბრენდის დღის“ ღონისძიების ფარგლებში კომპანია გახდა „ახალი წარმატებული ბრენდი“ 2015 ტიტულის მფლობელი, ამასთანავე, კომპანიამ პარტნიორობის ხელშეკრულებას ხელი ოფიციალურად მოაწერა და საქართველოს ეროვნული ოლიმპიური კომიტეტის გენერალური სპონსპორიც გახდა. ასევე, სვეტის” დამფუძნებელთა ინიციატივით, საფუძველი ჩაეყარა პროექტს “სვეტის შვილები”. პროექტის ფარგლებში თითო “სვეტის ქალაქში” აშენდება, 10 ბავშვზე გათვლილი მიუსაფარ ბავშვთა სახლი.
კომპანია ამ ეტაპზე 5 მიმდინარე პროექტზე მუშაობს. ყველაზე მასშტაბური ნაძალადევის რაიონში მშენებარე „სვეტის ქალაქია“. კომპანიაში ამბობენ, რომ სწორედ ამ პროექტის ფარგლებში შეძლეს მათ შეეთავაზებინათ მომხმარებლებისათვის ბინების შეძენის 7-წლიანი შიდა უპროცენტო განვადება.
მიმდინარე თუ სამომავლო პროექტების შესახებ დეტალებით, „თბილისი თაიმსს“ დეველოპელური კომპანია „სვეტის“ გენერალური დირექტორი თორნიკე ჯანელიძე ესაუბრა.
როგორია სამშენებლო კომპანია „სვეტის“ დაარსების ისტორია?
– დეველოპერული კომპანია „სვეტი“ უკვე წელიწადნახევარია ოპერირებს ქართულ სამშენებლო ბაზარზე, თუმცა აქვე აღვნიშნავ, რომ კომპანიის დამფუძნებლებს, 11 წლიანი გამოცდილება აქვთ სამშენებლო სფეროში. ამ ეტაპზე „სვეტი“ ახორციელებს 5 მიმდინარე პროექტს და მათგან ყველაზე მასშტაბურია „სვეტის ქალაქი“.
რა უპირატესობები აქვს „სვეტს“ სხვა სამშენებლო კომპანიებთან შედარებით?
– უპირველეს ყოვლისა, აღვნიშნავ შიდა 7 წლიან უპროცენტო განვადებას, რაც დღემდე უპრეცედენტო პირობაა ქართულ სამშენებლო ბაზარზე. კომპანიის კაპიტალი, 100% არის ქართული, სწორედ ამის ხარჯზე შევძელით, საზოგადოებისთვის შეგვეთავაზებინა ყველაზე მოქნილი პირობა ბინის შესაძენად. როდესაც ინვესტიცია არის უცხოური, ინვესტორები ცდილობენ, მოგებიდან მიღებული თანხის მოკლევადიან პერიოდში გატანას. ჩვენი კომპანია კი ცდილობს, შექმნას გარემო, რომელიც გათვლილი იქნება გრძელვადიან პროექტებზე და მოგების რეფინანსირებაზე.
ასევე დავამატებდი რომ, ჩვენ მიერ შეთავაზებული თეთრი კარკასული მდგომარეობის ბინა არის მაღალი კლასის, შესრულებული გერმანული კომპანია „კნაუფის“ მიერ, მათივე წარმოებული მასალებით. თეთრი კარკასული მდგომარეობით შეთავაზებულ ბინაში შედის მოწყობილი გათბობის სისტემა, ცხელი და ცივი წყლის გაყვანილობა, თაბაშირ-მუყაოს ფილით მოჭიმული ჭერი და ენერგო-ეფექტური კედლები, რაც კომუნალურ ხარჯებს 30-40%-ით ამცირებს, ხოლო 1 კვ.მ-ის ფასი 550 $-ია. მიუხედავად მოკლე საოპერაციო ისტორიისა, კომპანიამ შეძლო ემიგრანტებისათვის საუკეთესო პირობის შეთავაზება, ბინების შეძენა მხოლოდ 10% იანი თანამონაწილეობით და რაც მთავარია, ამის ხარჯზე არ მომხდარა ბინების ფასის ზრდა.
როგორ შეაფასებთ არსებულ ბაზარს, რამდენად კონკურენტუნარიანია იგი და თქვენ პირველ კონკურენტ კომპანიად, რომელს მიიჩნევთ?
– დღესდღეობით, ქართული სამშენებლო ბაზარი გაჯერებულია სამშენებლო კომპანიებით, რაც თავის მხრივ, ქმნის მაღალ კონკურენტუნაირან გარემოს. ამავდროულად აღვნიშნავ, რომ მოქმედი სამშენებლო კომპანიებიდან მხოლოდ რამდენიმე კომპანია ცდილობს, პირობების გაუმჯობესებას. განვითარებად გარემოში, კონკურენტულ უპირატესობას, მოიპოვებს კომპანია, რომელიც შეძლებს ჩვენი ბაზრის დასავლურ მოდელთან მიახლოებას, რაც თავის მხრივ გულისხმობს გრძელვადიან გადახდის პირობებს და სამშენებლო გარანტიებს. ვფიქრობ, ჩვენი კომპანია ამ განვითარების გზაზე მოწინავე პოზიციას იკავებს და „სვეტი“ მუდმივად შეეცდება პირობების გაუმჯობესებას.
დეველოპერული კომპანია „სვეტი“ კონკურენტ კომპანიებს წარმატებებს უსურვებს.
რა პროექტები განხორციელდა უკვე თქვენი კომპანიის არსებობის ფარგლებში?
– დეველოპერული კომპანია „სვეტი“, ამ სახელწოდებითა და ახალი გუნდით, სულ მცირე ხანია, რაც სამშენებლო ბაზარზე გამოჩნდა, შესაბამისად, „სვეტის“ სახელით გვაქვს, მხოლოდ ხუთი მიმდინარე პროექტი. ყველაზე მასშტაბურია, „სვეტის ქალაქი“, როგორც შეთავაზებული პირობით, ისე სამშენებლო მოცულობით, ხარისხითა და კონცეფციით, თუმცა დამფუძნებლებს თერთმეტი წლის მანძილზე აქვთ განხორციელებული სხვადასხვა პროექტი.
რა პირობებს სთავაზობთ და როგორ ფიქრობთ, რამდენად ხელმისაწვდომია იგი ქართველი მომხარებლებისთვის?
– პირობებს რაც შეეხება, უკვე აღვნიშნე, რომ გვაქვს 7 წლიანი შიდა უპროცენტო განვადება, რომელიც მოქმედებს „სვეტის ქალაქში“. რაც შეეხება სხვა მშენებლობებს, შიდა უპროცენტო განვადება, ამ პროექტებზეც მოქმედებს, თუმცა სხვადასხვა პერიოდით. ასევე გვაქვს სპეციალური შეთავაზება, საზღვარგარეთ მცხოვრები ქართველებისთვის. „სვეტი“, ჩვენს კლიენტებს ბინის ყიდვის, მათზე მორგებულ და მოხერხებულ, რამოდენიმე გადახდის პირობას სთავაზობს, ასევე ჩვენ ვცდილობთ, ღირებულება შესაბამისობაში იყოს ხარისხთან.
როგორც ცნობილია თქვენმა კომპანიამ ანსამბლ „სუხიშვილებთან“ ერთად რამდენიმე საქველმოქმედო კონცერტი ჩაატარა, რომ მოგვიყვეთ ამ ღონისძიებების შესახებ,როგორ შეაფასებდით?
– ჩვენს კომპანიას, დაარსების დღიდან გათავისებული აქვს სოციალური პასუხისმგებლობა. მაღალი საზოგადოებრივი ინტერესებიდან გამომდინარე, განვმარტავთ თუ რატომ მოხდა ჩვენი აქტივობის დაკავშირება სუხიშვილების ნაციონალურ ბალეტთან. მინდა ხაზგასმით აღვნიშნო, რომ მათი დაუღალავი შრომის მიღმა, მძიმე სოციალური პირობებია. ასევე, დასში მოღვაწეობს საქართველოს ყველა კუთხის წარმომადგენელი, უმთავრესი კი გახლავთ საკუთარი საცხოვრებლის არსებობა. გარდა ამისა „სუხიშვილები“ ქართული კულტურის და უახლესი ისტორიის ნაწილია, რომლებიც ქართულ ტრადიციებს ინარჩუნებენ და უფრო მეტიც, მსოფლიოს აცნობენ. სწორედ ამიტომ, დასის უსახლკარო წევრებს გადავეცით 19 ბინა, რაც არა მხოლოდ ჩვენი კომპანიისთვის, არამედ ყველასთვის სასიხარულოა. ვიმედოვნებთ, რომ ჩვენი უპრეცედენტო ქველმოქმედება, მისაბაძი იქნება სხვა კომპანიებისთვისაც.
მიმდინარე პროექტების შესახებ რომ გვიამბოთ და როგორია თქვენი სამომავლო გეგმები?
– ამჟამად გვაქვს ხუთი მიმდინარე პროექტი, წერეთელზე, ნაძალადევში „სვეტის ქალაქი“, ჯიქიაზე, თემქასა და გლდანში. უახლოეს მომავალში ვგეგმავთ მასშტაბური პროექტების, „სვეტის ქალაქი 2“ და „სვეტის ქალაქი 3“-ის მშენებლობის დაწყებას. ამათგან ერთ-ერთი განხორციელდება ჩვენს ულამაზეს ქალაქ ბათუმში. ყველა ახალ პროექტში კომპანია მომხმარებლებს შესთავაზებს უფრო მოქნილ, მიმზიდველ და ხელმისაწვდომ პირობებს. რაც შეეხება სოციალურ პასუხისმგებლობას, ჩვენი კომპანია მომავალშიც აუცილებლად აპირებს ამ მიმართულებით აქტივობას, რომელთაგანაც გამოვარჩევთ „სვეტის შვილებს“, რაც გულისხმობს მიუსაფარი ბავშვების რესოციალიზაციას და რეაბილიტაციას ჯანსაღ გარემოსთან.
ნათია კეკენაძე
