ავღანეთში მყოფი ჰოლანდიელი სამხედროები სამშობლოში ბრუნდებიან. ავღანეთში სამხედრო განათლების მიცემის მიზნით მყოფი ჰოლანდიელი სამხედროების მოვალეობის შესრულების ვადა 1 ივლისს ამოიწურა.
ეინდჰოვენის აეროპორტში უკვე დაეშვა თვითმფრინავი, რომელმაც ქვეყანაში 100 კაციანი სამხედრო ჯგუფი ჩაიყვანა. თავდაცის სამინისტროს მიერ გაკეთებულ განცხადებაში აღნიშნულია, რომ სამხედროებს აეროპორტში ბრიგადის გენერალი რიჩარდ ეპელაარი დახვდა.
ივლისში ავღანეთში ჩასული დამატებით 100 კაციანი ექსპერტთა შენაერთის კოორდინაციით განსახორციელებელი დაბრუნების პროცესის დასრულება 1 ნოემბრამდე იგეგმება, თუმცა თავდაცვის სამინისტროში მანამდე გაკეთებულ განცხადებაში აღინიშნა, რომ შესაძლოა ეს პროცესი ოქტომბერშიც დასრულდეს. მიუხედავად სამხედროების დაბრუნებისა, ჰოლანდიის კუთვნილი 4 ცალი F-16 ტიპის საბრძოლო თვითმფრინავი რეგიონში დარჩება. საბრძოლო თვითმფრინავების დაბრუნება 2014 წლის ბოლოს იგეგმება.
ავღანეთის პროვინციებში კუნდუზში, ქაბულსა და მეზარი შერიფში მყოფი 545 კაცისაგან შემდგარ ჰოლანდიურ სამხედრო მისიას ვადა 2014 წლის შუა თვეებში ეწურებოდა, თუმცა ლიბერალური და მუშათა პარტიებისაგან შემდგარმა კოალიციურმა მთავრობამ მარტის თვეში მიღებული გადაწყვეტილებით ავღანეთიდან გამოსვლა ერთი წლით გადმოწია.
ჰოლანდიელი სამხედროები ავღანელ პოლიციელბს წვრთნიდნენ და ამავდროულად ქვეყნის იურიდიული სისტემის გაძლიერების საკითხზე მუშაობდნენ.
21.07.13
