ბათუმის ჯაზფესტივალის პირველი მონაწილე ცნობილია – ლორენ ჰილი საქართველოს 17 ივლისს ეწვევა.
ამერიკელი მომღერალი, პროდუსერი, მსახიობი და კომპოზიტორი ევროპის ტურნეს ფარგლებში საკუთარ ბენდთან ერთად გაახარებს ქართველ მელომანებს.
სოულის, ჰიპ-ჰოპის, რეგეს, ფოლკისა და რიტმ და ჯაზის მოყვარულებს წინ დაუვიწყარი კონცერტი ელით.
ლორენ ჰილს მსმენელი “The Fugees-დან” იცნობს, რომლის საშუალებითაც მომღერალმა უდიდეს წარმატებას მიაღწია, ხოლო ალბომმა – “The Score-ი” ჯგუფს ,,გრემი” მოუტანა.
ვერ შეხვდებით მელომანს, რომელმაც მისი ინტერპრეტირებული ცნობილი მელოდია “Killing Me Softly” არ იცის. მიუხედავად იმისა, რომ დაიშალა, ჯგუფი და სიმღერა რამდენიმე წლის შემდეგაც არ კარგავს პოპულარობას.
მუსიკოსს ინდივიდუალურმა მოღვაწეობამაც არაერთი წარმატება მოუტანა, საკუთარმა ალბომმა “The Miseducation of Lauryn Hill“, ის ხუთი „გრემის“ მფლობელი გახადა. ხოლო, დისკის 8 მილიონი ასლი გაიყიდა.
ამერიკელი მუსიკოსი 40 წლისაა. მას 6 შვილი ჰყავს, აქედან ხუთი – რეგეს ლეგენდის, ბობ მარლის შვილის – როან მარლისგან.
ნატალია ჯალაღონია
