„იაცენუკის გაშვება არის იმ პროცესების დაგვირგვინება, რომელიც მე და ჩემმა მეგობრებმა დავიწყეთ,” – ამის შესახებ საქართველოს ყოფილმა პრეზიდენტმა, ოდესის ოლქის გუბერნატორმა მიხეილ სააკაშვილმა „რუსთავი-2“-ზე, გადაცემა „არჩევანის“ ეთერში განაცხადა.
„იაცენუკის გაშვება არის იმ პროცესების დაგვირგვინება, რომელიც მე და ჩემმა მეგობრებმა დავიწყეთ, ჩვენ მას ვაიძულეთ დაეტოვებინა თანამდებობა. უკრაინის საზოგადოება ითხოვს ცვლილებებს, მე ჩემს გარშემო შევკრიბე საუკეთესო გუნდი, ჩვენ გვაქვს ძალიან დიდი მხარდაჭერა, მე მაქვს ძალიან დიდი მხარდაჭერა და არ ვაპირებ, რომ დავკარგო.
უკრაინაში პრეზიდენტის ადმინისტრაციის ყველა ყოფილი უფროსი არის მილიარდელი, მილიარდების გაკეთება, რომ მინდოდეს, ასე კი არ ვიქნებოდი. მე ცხოვრებაში არ გამიკეთებია ფული საჯარო სამსახურში და არც არასოდეს გავაკეთებ. საქართველოში ეს არ გამიკეთებია და არ ვაპირებ არც უკრაინელი ხალხის ხრჯზე შევცვალო ჩემი თვისებები. ეს არ არის ჩემი ადგილი, მე მინდა მუშაობა იქ, სადაც შემიძლია რეალურად შევცვალო ის, რაც არის ხალხისთვის, მითუმეტეს, რომ უკრაინა წყვეტს მთელი პოსტსაბჭოთა რეგიონის ბედს,“ – განაცხადა სააკაშვილმა.
ექს-პრეზეიდენტმა საქართველოში მიმდინარე პროცესებიც შეაფასა.
„აბა რ აგითხრათ, რით გაგახაროთ? მე ჩემს ქვეყანაში პრობლემები შემიქმნეს და ამიტომ იძულებული ვიყავ ი ის დამეტოვებინა, მაგრამ რა თქმა უნდა ჩემი გული საქართველოზე „ძგერს“ და ვადევნებ თვალყურს ყოველთვის. ახალმა მთავრობამ დახარჯა მთელი ბიუჯეტი, რაც დავუტოვეთ, საბოლოოდ ქვეყანა აღმოჩნდა ჩიხში. საქართველოს მართავს ადამიანი,რომელმაც დაამკვიდრა პორნოგრაფია, ოდესმე გაგიგიათ იმ ავადსახსენებელი 9 წლის დროს მსგავსი რამ? ამ ეგრეთწოდებულ 9 წელში შეიქმნა უფრო მეტი, ვიდრე დამოუკიდებელი საქართველოს ისტორიის ნებისმიერ სხვა პერიოდში. ეს მე გავაკეთე და გააკეთა „ნაციონალურმა მოძრაობამ“. ახლა კი როგორც „გავბანძდით“, ისეთ „სიბანძეში“ ვცხოვრობთ.“
მანჩო ღოღობერიძე
