20-26 აპრილს, საქართველოს კულტურისა და ძეგლთა დაცვის სამინისტროსა და საქართველოს კულტურის განვითარების ფონდის „ტრიუმფის“ მხარდაჭერით, თანამედროვე ქორეოგრაფიის თეატრი ლიტვის ფესტივალში „რიგის გაზაფხული 2016“ მიიღებს მონაწილეობას. მაყურებელი იხილავს თეატრის ბოლო ქორეოგრაფიულ დადგმას „იმპულსი“.
გასტროლის ფარგლებში, ასევე მოეწყობა მასტერ-კლასები ტრადიციულ ქართულ ფოლკლორულ ქორეოგრაფიაში.
„იმპულსი“ თეატრის რიგით მესამე ქორეოგრაფიული წარმოდგენაა. იგი შედგება ერთმანეთისგან დამოუკიდებელი რეალური ამბებისგან, რომლთა მოქმედება იმპულსის განსაკუთრებულ შეგრძნებას ქმნის. სამსახიობო ჯგუფი სტუდენტებისგან, ქორეოგრაფიული სასწავლებლის კურსდამთავრებულებისა და პროფესიონალი მსახიობებისგან შედგება. მათი უმრავლესობა სოციალურად დაუცველია.
