ე.წ. კანონიერ ქურდს ლაშა შუშანაშვილს საბერძნეთის სასამართლომ 14-წლიანი პატიმრობა მიუსაჯა. მას დანაშაულებრივი ორგანიზაციის ხელმძღვანელობაში ედება ბრალი.
დაკავებული ბრალს არ აღიარებს და მისი დევნის მიზეზად საბერძნეთის ტერიტორიაზე დისიდენტურ საქმიანობას ასახელებს.
თავდაპირველად შუშანაშვილის ექსტრადიცია ესპანეთში იგეგმებოდა, სადაც 2009 წლიდან ძარცვისა და მკვლელობის ბრალდებით იძებნებოდა, თუმცა რადგან დანაშაული საბერძნეთშიც აქვს ჩადენილი, სასამართლომ ექსტრადიცია აღარ ჩათვალა საჭიროდ.
ლაშა შუშანაშვილი 2012 წლის იანვარში ათენის მახლობლად დააკავეს.
