თბილისის ზოოპარკის დირექტორმა ზურაბ გურიელიძემ დღეს გამართულ პრესკონფერენციაზე განაცხადა, რომ ზოოპარკი ახალი ცხოველებით მაისის ბოლოს შეივსება.ზოოპარკის დირექტორმა აღნიშნა, რომ 100-ზე მეტ ცხოველს სხვადასხვა ქვეყნიდან, საფრანგეთიდან, ჰოლანდიიდან, დიდი ბრიტანეთიდან, თურქეთიდან, გერმანიიდან ჩამოიყვანენ. მათ შორის იქნებიან ისეთი ცხოველები, რომლებიც თბილისის ზოოპარკში არასდროს ყოფილან.
ამჟამად, სტიქიის შედეგად დაზიანებულ ზოოპარკში აღდგენითი სამუშაოები მიმდინარეობს. ზურაბ გურიელიძის თქმით, რამდენიმე ვოლიერის მშენებლობაც მალე დასრულდება.
ზოოპარკის საზოგადოებასთან ურთიერთობის ხელმძღვანელმა, მზია შარაშენიძემ აღნიშნა, რომ პირველ ივნისს ზოოპარკი ბავშვთა საერთაშორისო დღესთან დაკავშირებით სპეციალურ საბავშვო ზონას გახსნის. მისი თქმით, აქტივობები 13 ივნისსაც იგეგმება.
