“პარლამენტში მოსვლის შემდეგ ჩვენ აუცილებლად შევქმნით კოალიციურ მთავრობას,” – ამის შესახებ „ლეიბორისტული პარტიის“ლიდერმა შალვა ნათელაშვილმა „ტვ-პირველზე“ გადაცემა „ინგა გრიგოლიას დღის ამბების“ ეთერში განაცხადა.
„ „ლეიბორისტული პარტია“ დაარსების დღიდან არასოდეს ყოფილა გაწევრიანებული რაიმე სახის ალიანსში. ეს არის პარტიის გენერალური ხაზი და სტრატეგია, რომელიც არ შეიცვლება. თუმცა პარლამენტში მოსვლის შემდეგ ჩვენ აუცილებლად შევქმნით კოალიციურ მთავრობას.ქვეყანას გადაარჩენს პარტიული სისტემები და არა კოალიცია, რომლებიც პრობლემების შედეგად იშლებიან.
პაატა ბურჭულაძე არის ხელოვანი. მე მას ვიცნობ როგორც ოპერის მომღერალს და არა პოლიტიკოსს. ყველა შემთხვევაში წარმატებებს ვუსურვებ.პოლიტიკას თან ახლავს უამრავი ვერსია და ვარაუდი, თუმცა ამ ეტაპზე თავს შევიკავებ. უბრალოდ ადამიანური გაკვირვება მაქვს,რომ ამ კაცში თურმე იმალებოდა პოლიტიკოსი და ამდენი ხანი ვერავინ ამჩნევდა.
კონგრესმენ სტივ რასელის განცხადება,რომ ყადაღა დაედოს ბიძინა ივანიშვილის ქონებას, დიახ ნაწილობრივ არის ჩემი დამსახურება. სტივ რასელის გარდა ჩემთან თანამშრომლობს კონგრესმენთა ჯგუფი. ისინი არიან ამერიკის და საქართველოს პატრიოტები.“
მანანა ღოღობერიძე