„გამოჩნდა ის ადამიანები, რომლებმაც კონფორმისტული გადაწყვეტილება მიიღეს და დროზე ადრე დატოვეს ჩასაძირად გამზადებული პოლიტიკური გემი. ალბათ ეს პროცესი ბუნებრივად და ლოგიკურად გაგრძელდება,“ – ამის შესახებ „ქართული ოცნების“წევრმა ირაკლი სესიაშვილმა „ტვ-პირველზე“გადაცემა „ვახო სანაიას დღის ამბების“ეთერში ისაუბრა.
„საერთოდ არ მაინტერესებს „ნაციონალური მოძრაობა“ როგორ იშლება და ქრება პოლიტიკური სივრციდან. ეს იყო ამ პოლიტიკური ძალის კიდევ ერთი ლუსტრაცია. საუბარია ვის ექნება პოლიტიკური პერსპექტივები. ვინ მოხვდება პირველ ათეულში და შესაბამისად პარლამენტში. ბუნებრივია არავინ დატოვებს გამარჯვებაზე ორინტირებულ პარტიას. მითუმეტეს გიორგი ვაშაძე, რომელიც ტიპური კონფორმისტი პოლიტიკოსია.
ირაკლი სესიაშვილმა ისაუბრა ასევე გიორგი ვაშაძის გადაწყვეტილების შესაძლო კავშირზე ბიძინა ივანიშვილთან.
„ეს არის პარტია, რომელმაც სერიოზული დარტყმა მიაყენა ქვეყანას წლების განმავლობაში. ახლაც რევოლუციური აზრები უტრიალებთ. ყველაფერს აბრალებენ ბატონ ბიძინა ივანიშვილს. როგორც ჩანს ბოღმა აწუხებთ. ეს არის მორიგი პოლიტიკური ჭორაობა.“
მანანა ღოღობერიძე