„არ მესმის რატომ არის მთავარი თემა გიორგი ვაშაძე. მისი წასვლით „ნაციონალურ მოძრაობას“ არაფერი მოკლებია. ერთ მოლაპარაკე თავს სხვა ჩაანაცვლებს. ვაშაძემ როგორც ჩანს თავი წარმოიდგინა ფავორიტად და ახლაც აქვს ილუზია, რომ რაღაცას იფაფხურებს.“ გიორგი ვაშაძის გადაწყვეტილების მიზეზზე და შესაძლო შედეგებზე ისაუბრა პოლიტიკურმა ექსპერტმა გია ხუხაშვილმა ტელეკომპანია „იმედის“ ეთერში გადაცემა „პოლიტიკაში“.
„როდესაც გაქვს დიდი ამბიცია და განვითარების ნაკლები შესაძლებლობა, ენერგია გარდაიქმნება შიდა დაძაბულობაში. შესაძლოა ვიღაცა გარედანაც მიეხმარა, თუმცა მოვლენების ასეთი განვითარება პროგნოზირებადი იყო. საბოლოოდ ამ ტიპის პროცესები „ნაციონალურ მოძრაობაში“ არაფერს ცვლის.
კოალიციების დაშლა, წევრების გამოყოფა, თუნდაც 3 დღეში პრემიერ-მინისტრის საპნის ბუშტივით გაქრობა არ მოქმედებს არც პოლიტიკურ პროცესზე და არც პარტიების რეიტინგზე. ხვალ კვირიკაშვილიც რომ წავიდეს არაფერი შეიცვლება.
პოლიტიკური პროცესი მიდის მხოლოდ ორი მიმართულებით, ეს არის ბიძინა ივანიშვილი და მიხეილ სააკაშვილი. სხვა მთავარი პოლიტიკური მოთამაშე ქართულ რეალობაში არ არსებობს. მიუხედავად იმისა, მონაწილეობენ თუ არა უშუალოდ პროცესში, ისინი არიან ძალის ცენტრები. ფაქტორი „ქართულ ოცნებაში“ არის მხლოდ ივანიშვილი. ასევე „ნაციონალურ მოძრაობაში“ფაქტორი არის მხოლოდ მიხეილ სააკაშვილი.რით ავხსნით რომ წვიმა მოდის? ეს არის მოცემულობა.საბოლოო სიტყვა მაინც მათზეა.
მიუხედავად იმისა საზოგადოებას მოსწონს თუ არა,სხვა ნაციონალური ლიდერი არ გამოჩნდა ქართულ პოლიტიკაში. დიდი ფსონი ჩამოვედით ირაკლი ღარიბაშვილზე,თუმცა საბოლოოდ უცნაურად გაქრა პოლიტიკიდან.როგორც ჩანს ვერ ყალიბდება ვერავინ, “- განაცხადა გია ხუხაშვილმა.
მანანა ღოღობერიძე
