„ვაშაძეს სურდა ყოფილიყო სააკაშვილის მემკვიდრე, მაგრამ რეალურად პარტიამ თუ სააკაშვილმა ის არ აირჩია. კვლევებმა აჩვენა, რომ ლიდერი არის ბაქრაძე,“ – ამის შესახებ ისაუბრა საგარეო საკითხებში პოლიტიკურმა ექსპერტმა ვანო მაჭავარიანმა ტელეკომპანია „მაესტროს“ეთერში გადაცემა „მაესტროს ფაქტორში“.
„ეს არის გიორგი ვაშაძის წარმოჩენის შესაძლებლობა.თუ თავს ვერ გრძნობს კომფორტულად „ნაციონალურ მოძრაობაში“ და აქვს რესურსი,რომ გააკეთოს ახალი ძალა, გააკეთოს, შექმნას და გაიმარჯვოს. უბრალოდ რთული იქნება დაფინანსების საკითხი.
ახალგაზრდებთან მუშაობა საინტერესოა, მაგრამ გამოცდილება მნიშვნელოვანია.ახალი ორგანიზაციის შექმნა, თანამოაზრეების შეკრება საკმაოდ რთული პროცესია.
ვაშაძე ხელით დასვეს „ნაციონალურ მოძრაობაში“ და ჩააბარეს მნიშვნელოვანი თემები.მას პარტიაში ჩაბარებული ჰქონდა ინოვაციების და განახლების საკითხი.ის,რომ მას ჰქონდა კარგი იმიჯი, არის გადაჭარბებული შეფასება. ვერ აკონტროლებს საკუთარ თავს.აჟიტირება მომგებიანი არ არის.
არჩევნების წინ პარტიებში ასეთი მდგომარეობა ჩვეულებრივია.ზოგი ნაწყენია,ზოგი ცდილობს შეინარჩუნოს წესები. ეს პროცესები ყველა პარტიაში მიმდინარეობს. ჯერ კიდევ წინ გვაქვს „ქართულ ოცნებაში“ სიების გადანაწილება და მერე ნახეთ რა ამბავი მოხდება. რომ იტყვიან „მამა შვილს არ აიყვანს ხელში“.სიებთან დაკავშირებით პრობლემები ექნება ყველას,“ – განაცხადა ვანო მაჭავარიანმა.
მანანა ღოღობერიძე
