საქართველოს დღეს საერთაშორისო სავალუტო ფონდის მისია ეწვევა, – ამის შესახებ ჟურნალისტებს ფინანსთა მინისტრმა ნოდარ ხადურმა განუცხადა.
ნოდარ ხადური ადასტურებს იმ ინფორმაციას, რომ საერთაშორისო სავალუტო ფონდთან ორი მიმოხილვის დაუსრულებლობის ერთ-ერთი მიზეზი საფინანსო ზედამხედველობის სამსახურის საკითხი იყო.
”მართლაც პროგრამა ჯერჯერობითარ არის დასრულებული და ამის ერთ-ერთი მიზეზი საფინანსო ზედამხედველობის სამსახურის საკითხი იყო, რომელსაც ახლა საკონსტიტუციო სასამართლო განიხილავს. რაც შეეხება სხვა საკითხებს, ჩვენ მათთან ერთად ვმუშაობთ, მათ შორის, ეს არის ბიუჯეტის დეფიციტის თემა, 23 მილიონი ევროა ის თანხა, რომელიც პირდაპირაა დამოკიდებული საერთაშორისო სავალუტო ფონდის მისიაზე, რომელსაც ველოდებით და მე იმედი მაქვს, რომ სავალუტო ფონდთან ძალიან კონსტრუქციულად გავაგრძელებთ მომავალში მუშაობას”, – განაცხადა ხადურმა.
