დღეს ვენესუელაში, ყოფილი პრეზიდენტის უგო ჩავესის დაბადების დღის აღნიშნვა იწყება. ის ერთი კვირის განმავლობაში გაგრძელდება. ხელისუფლებამ საკმაოდ დატვირთული პროგრამა მოამზადა დღესასწაულისთის, რაც თავის მხრივ მიტინგებს, მანიფესტაციებს და კონცერტებს ღია ცის ქვეშ მოიცავს. ამით ჩავესს კიდევ ერთხელ პატივს მიუგებენ.
ყოფილი პრეზიდენდი, ხანგრძლივი ავადმყოფობის შემდეგ, 5 მარტს გარდაიცვალა.
დღეს, განსაკუთრებული ხალხმრავლობა მეტროპოლიტენის რევოლუციის მუზეუმის წინ იქნება, სადაც უმაღლესი კომანდანტეს,(ასე უწოდებენ მას მომხრეები), ჩავესის ნაშთი ასვენია.
თავდაპირველად, ხელისუფლებამ, მისი სხეულის მავზოლეუმში “გამოფენა” გადაწყვიტა, თმცა მოგვიანებით გადაწყდა, რომ ჩავესს რევოლუციის მუზეუმში, სარკოფაგში დაასაფლავებდნენ. სარკოფაგი, შავი მარმარილოსგან არის დამზადებული.
ის, პატარა წყალსაცავში არის მოთავსებული, ამოწეულ ქვის ლოდზე, რომელსაც ყვავილის ფორმა აქვს. წარწერაში ნათქვამია ” ბოლივარული რევოლუციის უმაღლესი ლიდერი უგო რაფაელ ჩავესი 28.07.1954 – 05.03.2113″.
უგო ჩავესის დასაფლავებას წინ უძღოდა 10 დღიანი გამოსამშვიდობებელი პერიოდი, რომელიც ვენესუელის აკადემიის დიდების დარბაზში ჩატარდა. ხელისუფლებამ აღნიშნა, რომ ამ 10 დღის განმავლობაში ლიდერთან გამოსამშვიდობებლად 4 მილიონი ადამიანი მოვიდა.
ამის შემდეგ, ყოფილი პრეზიდენტის ნაშტი რევოლუციის მუზეუმში გადაიტანეს.
დაკრძალვის ცერემონიალის დაწყებიდან ბოლომდე ქუჩებში ასობით ათასი ადამიანი იყო გამოსული პატივის მისაგებად. მოქალაქეები ვარდებს ისროდნენ მანქანის სახურავზე, ბევრი ცრემლებსაც კი ვერ იკავებდა, ზოგი ტიროდა.
ქვეყნის ყველა ტელე და რქადიო სიხშირე დაკრძალვის პროცესს პირდაპირ ეთერში აშუქებდა.
29.07.13