არაბული გაზაფხულის სამშობლო ტუნისში ამ ბოლო 6 თვის განმავლობაში მეორე პოლიტიკური მკვლელობა მოხდა.
25 ივლისს თავისი სახლის წინ სიცოცლეს გამოასალმეს სახალხო მოძრაობის პარტიის გენერალური კოორდინატორი მუჰამმედ ბრაჰმი.
ორმა მასკიანმა მოტოციკლეტისტმა ბრაჰმის მისი მეუღლისა და შვილების წინ გაუხსნეს ცეცხლი და ადგილზევე მოკლეს. საავადმყოფოში გადაყვანილ ბრაჰმის ექიმებმა 11 ტყვია ამოუღეს.
ქვეყნის ოპოზიციის ლიდერის მოკვლას, ხალხმრავალი საპროტესტო გამოსვლები მოჰყვა, ქვეყანაში დაიხურა ბანკები და მაღაზიები, გადაიდო საავიაციო რეისები. დემონსტრატების მოთხოვნაა მთავრობის გადადგომა, რომელსაც ისლამისტური პარტია მართავს.
ქალაქ სიდო ბოუზიდში სადაც მოკლული მოჰამედ ბრაჰმი დაიბადა, დემონსტრანტებმა მმართველი პარტიის ოფისს ცეცხლი წაუკიდეს.
აშშ-მ და ევროკავშირმა დაგმეს ტუნისის ოპოზიციის ლიდერის მკვლელობა და დანაშაულის სასწრაფო გამოიძიება მოითხოვეს.
თავის მხრივ ქვეყნის მმართველმა ენნაჰდას ისლამისტურმა პარტიამ დაგმო ეს მკვლელობა და სამძიმარი გამოუცხადა დაღუპულის ოჯახს და პარტიას, ამის პარალელურად ქვეყანაში 1 დღიანი გლოვა გამოაცხადა.
29.07.13