სომალიში თურქეთის საელჩოს დამხმარე შენობაზე თავდასხმა განხორციელდა. ტერაქტის დროს სამი თვითმკვლელი ტერორისტი და ერთი სპეცდანიშნულების პოლიციელი დაიღუპა. თავდასხმაზე პასუხისმგებლობა თურქეთის მიერ სომალისათვის გაწეული დახმარებით უკმაყოფილო, ალ ქაიდასთან კავშირში მყოფმა ეშ შებაბის ორგანიზაციამ აიღო.
თურქული სპეცდანიშნულების პოლიციელების მიერ დაცულ შენობაში შესვლის მცდელობის დროს თვითმკვლელი ტერორისტები პოლიციამ შეამჩნია, რასაც შეტაკება მოჰყვა.
სპეცდანიშნულების პოლიციელებმა ორი ტერორისტი გააუვნებელყვეს, თუმცა მესამემ ასაფეთქებელი მოწყობილობის მოქმედებაში მოყვანა მოასწრო. დაჭრილი პოლიციელები მოგადიშუს თურქულ საავადმყოფოში გადაიყვანეს. მათგან ერთის მდგომარეობა მძიმეა.
Twitter-ით გავრცელებულ წერილში ეშ შებაბის ორგანიზაციამ განაცხადა, რომ აღნიშნული თავდასხმა თურქეთის მიერ ”არსებული რეჟიმის მხარდაჭერის გამო” განახორციელეს.
გუშინ ასევე თავდასხმა განხორციელდა თურქი მეცენატების მიერ განხსნილ თურქულ საავადმყოფოზეც, რის შედეგადაც 1 ადამინი დაიღუპა.
თურქეთმა 2011 წელში ჰუმანიტარული კრიზისის დროს სომალის 400 მილიონი დოლარის დახმარება გაუწია. თურქეთის მხარდაჭერით კი უკმაყოფილოა ეშ შებაბის ორგანიზაცია, რომელიც დროდადრო თავდასხმეს ახორციელებს.
ასე მაგალითად, 15 აპრილს თურქეთის წითელი ნახევარმთვარის ორგანიზაციის ჰუმანტარულ კოლონაზე განხორციელბული თავდასხმის შედეგად 5 სომალელი დაიღუპა, 4 თურქი კი დაიჭრა.
29.07.13
