საქართველოს გაერთიანებული წყალმომარაგების კომპანიამ 6 თვის განმავლობაში გაწეული საქმიანობა შეაჯამა.
შემაჯამებელი პრესკონფერენცია რეგიონული განვითარებისა და ინფრასტრუქტურის მინისტრმა, დავით ნარმანიამ და წყალმომარაგების კომპანიის ხელმძღვანელობამ დღეს ერთობლივად გამართეს.
დავით ნარმანიას თქმით, კომპანიის მენეჯმენტი 2012 წლის ბოლოს შეიცვალა და ახალ ხელმძღვანელობას წყალმომარაგებაში რთული მდგომარეობა დახვდა.
“კომპანიის ხელმძღვანელობა შეიცვალა გასული წლის ბოლოს. ერთი მხრივ დაგეგმა 2013 წლის პროექტები, ხოლო მეორე მხრივ რევიზია გაკეთდა იმ პროექტებს, რაც მანამდე ხორციელდებოდა. წყალმომარაგების კომპანია ერთ-ერთი ყველაზე სოციალური დატვირთვის მქონე სამსახურია, ამიტომაც ჩვენი პროექტები ორინეტირებუილია იქითკენ, რომ ადამიანებს გაუუმჯობესდეთ წყლის მოწოდების მდგომარეობა”,- განაცხადა მინისტრმა.
ამასთან, როგორც კომპანიიის დირექტორი არჩილ ცაბუტაშვილი აცხადებს, ახალ ხელმძღვანელობას სავალალო მდგომარეობა დახვდა. მისივე ინფორმაციით 6 თვეში 13 000-მდე დაზიანება დაფიქსირდა, რაც ნიშნავს, რომ წყალმომარაგების ქსელები კატასტროფულ მდგომარეობაში იყო.
კომპანიის კომერციული დირექტორის, გიორგი კობერიძის თქმით, დაიწყო ქუთაისის, ფოთისა და ანაკლიის 60 მილიონი ლარის ღირებულების პროექტის განხორციელება. პროექტის შედეგად, ფოთს და ანაკლიას მთლიანად, ასევე, ქუთაისის ნაწილს 24 საათიანი წყალმომარაგება ექნება.
“ევროპის საინვესტიციო ბანკის მიერ გამოყოფილი 40 მლნ. ევროს სესხის ფარგლებში ქვეყნის 15 ქალაქში დასრულდა წყალმომარაგების სისტემების სარეაბილიტაციო სამუშაოები; აღდგა და გარემონტდა წყალსადენის ქსელები და სათაო ნაგებობები. დონორი ორგანიზაციებიდან 30 ქალაქის რეაბილიტაციისთვის მოზიდულია 100 მლნ ლარის ინვესტიციები. ევროკავშირის (EU) დაფინანსებით დასრულდა 2,6 მლნ. ლარის პროექტები ქვეყნის შვიდ ქალაქში. აშშ საერთაშორისო განვითარების სააგენტოს დაფინანსებით დაიწყო ონში ქვედრულას სათავე ნაგებობაზე სასმელი წყლის გამწმენდი ნაგებობის მშენებლობა; დაიწყო ევროკავშირის მიერ გამოყოფილი 4 მილიონი ევროს გრანტის ათვისება ხელი მოეწერა ხელშეკრულებას ევროპის საინვესტიციო ბანკთან (EIB) – 40 მლნ. ევროს ოდენობით სესხის და 8 მლნ. ევრო გრანტის გამოყოფის თაობაზე”,-განაცხადა კობერიძემ.
6 თვის მონაცემების მიხედვით, გაერთიანებული წყალმომარაგების კომპანიამ გასულ წელთან შედარებით შემოსავლები 2.107.867 ლარით გაზარდა. გიორგი კობერიძის თქმით, საანგარიშო პერიოდში მთლიანმა შემოსავლებმა შეადგინა 15, 949, 659 ლარი, 2012 წლის იგივე პერიოდში 13, 841, 792ლარი იყო.
29.07.13