„ეს არ არის მუქარა, რა თქმა უნდა მე ვაპირებ საქართველოში ჩამოსვლას. ბევრ რამეს ვაკეთებ უკრაინაში, და ეს არის ერთი და იმავე ბრძოლის ორი ფლანგი.ეჭვს აღარ იწვევს,რომ „ნაციონალური მოძრაობა“ არა მხოლოდ არ გამქრალა რადარებიდან, არამედ პირიქით, დაბრუნდა ახალი ძალით,“ – ამის შესახებ „ნაციონალური მოძრაობის“ ლიდერმა, ექს-პრეზიდენტმა მიხეილ სააკაშვილმა „რუსთავი-2“-ზე, გადაცემა „არჩევანის“ ეთერში ისაუბრა. მან პარტიაში მიმდინარე პროცესები, კორცხელის ინციდენტი და წინასაარჩევნო მოვლენები განიხილა.
„მე სრულად ვიზიარებ პასუხისმგებლობას იმაზე, რაც ხდება. როგორც წარმატებებზე, ასევე პრობლემებზე. ჩვენ გვაქვს ბევრი კამათი, მაგრამ არა იმაზე, თუ ვინ რომელ ადგილზე იქნება პარტიულ სიაში. ჩვენ ვართ იდეების, და არა პიროვნებების პარტია. ვინც გამოიჩენს თავს ის წავა წინა პლანზე. თუნდაც სრულიად ახალი წევრები. რა თქმა უნდა „ნაციონალური მოძრაობა“ ჩემი შექმნილი პარტიაა და არავინ მედავება, რომ სიტყვა მეთქმის. მოხდება სრული პოლარიზაცია. ერთ მხარეს იქნება „ნაციონალური მოძრაობის“ მომავლის გუნდი და მეორე მხარეს ივანიშვილის დაჯგუფება. ისინი რითიც მოვიდნენ იმით წავლენ.
ეს ხალხი ძალიან ცუდად იცნობს სამეგრელოს. აქ ბევრჯერ ამოუძუეს კუდი მოძალადეებს. ხალხის შეშინება არის შეუძლებელი, ეს მეთოდები არაერთხელ იქნა ნაცადი შევარდნაძის, ასლან აბაშიძის, იანუკოვიჩის მიერ, მაგრამ არც ერთხელ არ გამართლდა. ასლან აბაშიძე ზუსტად ისეთივე ტიპაჟი იყო, როგორიც ივანიშვილი. ზუსტად ისეთი პატარა, ჩაბოღმილი, ოლიგარქიული, პრო-რუსული ელემენტი. იგი ხალხს უყურებდა, როგორც ქვეშევრდომებს.
ბიძინა ივანიშვილს ისევე მოუწევს ქვეყნის დატოვება და ხელისუფლების გადმობარება, როგორც შევარდნაძეს. ერთხელ გამოუვიდა, მაგრამ ყოველთვის არ გამოუვა. არც ჭკუა აქვს მაგისი, არც განათლება, არც მომზადება. ნებისმიერი საშუალო ჭორვილელი გლეხი ბევრად უფრო განვითარებულია, ვიდრე ეს კაცი. თავზეხელაღებული უსამართლობა ორჯერ ვერ გაიმარჯვებს“
მიხეილ სააკაშვილმა გადაცემაში ისაუბრა ასევე ბათუმის ტექნოლოგიური უნივერსიტეტის შეჩერებული პროექტის შესახებ.
„ტექნოლოგიური უნივერსიტეტის შეძენას თავის დროზე მე ვთავაზობდი ბიძინა ივანიშვილს,მაგრამ უარი მითხრა. ჰილარი კლინტონის დახმარებით ჩვენ ავაშენეთ ეს შენობა,რომელიც 100 მილიონზე მეტი დაგვიჯდა. ამათ კი გაყიდეს 25 მილიონად. გვქონდა აკრედიტაცია, უნდა მიგვეღო უცხოელი სტუდენტები,ამ კაცმა კი პროცესი ფაქტობრივად ჩააფლავა. ეს კაციი არის არა მხოლოდ გაუნათლებელი, არამედ განათლების მტერი. ჩვენ დავუბრუნდებით ბათუმის უნივერსიტეტის პროექტს აუციელბლად.
ბიძინა ივანიშვილმა მოკლა ამერიკელი მასწავლებლების პროგრამა საქართველოში, მოკლა „თითო კომპიუტერი თითო ბავშვს“ პროგრამა. პირადად მოკლა კახა ბენდუქიძე,რომელსაც პირადად უთვლიდა საკანში ჩაგსვამ და დაბანის საშუალებას არ მოგცემო. კახა ამას განიცდიდა, ჩემგან განსხვავებით ის არ იყო პოლიტიკაში და არ ჰქონდა ასეთი ნერვები.
მიუხედავად ყველაფრისა, მე ვუჭერ მხარს დავით ბაქრაძის იდეას,რომ გამარჯვების შემდეგ გამოვაცხადოთ დიდი პოლიტიკური შერიგება. არ შეიძლება სულ ერთი და იმავე, შურისძიების და ბოღმის წრეზე ვიაროთ“.
მანანა ღოღობერიძე
