ისრაელის მთავრობამ პალესტინის სამშვიდობო მოლაპარაკებების რეფერენდუმზე გატანის გადაწყვეტილება მიიღო. ისრაელის პრემიერის ოფისში გაკეთებულ განცხადებაში აღნიშნულია, რომ ”მოლაპარაკებების შედეგად მიღწეული ნებისმიერი შეთანხმება რეფერენდუმზე იქნება გატანილი”.
მოლაპარაკებების განსაახლებლად ზოგიერთი პალესტინელი პატიმრის განთავისუფლების საკითხზე კოალიციაში აზრთა სხვადასხვაობა იყო, თუმცა საბოლოოდ 104 პატიმრის განთავისუფლების გადაწყვეტილება მიიღეს.
კოალიციის წევრებიდან პარტია ებრაული სახლის ლიდერმა ნაფთალი ბენეტმა განაცხადა, რომ პატიმრების განთავისუფლებას არ დათანხმდებოდა და საჭიროების შემთხვევაში მთავრობასაც დატოვებდა, თუმცა დახურულ კარს მიღმა მოლაპარაკებებით ისრაელის პრემიერ–მინისტრმა ბენიამინ ნეთანიაჰუმ პარტნიორების დარწმუნება შესძლო.
პალესტინა და ისრაელი აშშ-ის სახელმწიფო მდივნის ჯონ კერის მცდელობების შედეგად შეთანხმდნენ სამშვიდობო მოლაპარაკებების განახლების საკითხზე.
30.07.13
