„დღეს სტუდენტი რომ ამთავრებს უნივერსიტეტს ფიქრობს იმაზე, თუ როგორ დაიწყოს კარგი სამსახური და არა იმაზე, თუ როგორ დაიწყოს კარგი ბიზნესი. ეს არის მენტალური გარდატეხა, რომელსაც ვცდილობთ“. ეკონომიკური ზრდის,სიღარიბის და უმუშევრობის დონის შესახებ ეკონომიკის მინისტრმა, ვიცე-პრემიერმა დიმიტრი ქუმსიშვილმა „GDS“-ზე,გადაცემა „2030“-ის ეთერში ისაუბრა.
თვითდასაქმებულთა რაოდენობა მაღალია და ეს ცალკე პრობლემაა. კერძო სექტორი ქმნის სამუშაო ადგილებს. ბიზნესი არ უნდა ფერხდებოდეს, არჩევნები არ უნდა იყოს დამაბრკოლებელი ბიზნესის განვითარებისთვის.
მოგვწონს თუ არა 3 %-იანი ეკონომიკური ზრდა? მე პირადად არ მომწონს, მინდა 10-12 %-იანი ზრდა მაგრან ამას სჭირდება წინაპირობები. ასე დამოუკიდებლად ვერ გავიზრდებით. გადაჯაჭვული ვართ ეკონომიკურ პარტნიორებთან. ეკონომიკური ზრდა გამოხატავს ქვეყანაში გამოშვებული პროდუქციის ერთობლიობას, რომელიც აკლდება იმპორტს. ეს ნიშნავს, რომ იქმნება ახალი სამუშაო ადგილები, შემოდის ინვესტიცია და იზრდება მოხმარება. ლიდერობს სამშენებლო მასალების წარმოება 25%-ით, სასტუმროების და რესტორნების ზრდა არის 20%-იანი, მშენებლობაში გვაქვს 15 %-იანი ზრდა და საკვები პროდუქტებისა და სასმელების წარმოებაში 10%-იანი ზრდა.
2010-2011 წლებში სიღარიბეში მყოფი მოსახლეობა იყო 44 %. ეს არის 1,8 მილიონი ადამიანი. ისინი ვერ ახერხებდნენ ყოველდღიურად 2,5 $-ზე მეტის დახარჯვას, ეს არის უკიდურესი სიღარიბე. ბოლო მონაცემებით 500000 ადამიანით ნაკლები არის უკიდურეს ზღვარს მყოფი. ეს არის მსოფლიო ბანკის კვლევა. ეს რიცხვი შემცირებულია სწორედ მთავრობის მიერ გატარებული ეკონომიკური რეფორმებით.
2012 წელს მოსახლეობის 15% იყო უმუშევარი,ეს არის 300000 ადამიანი,რომელსაც აქვს მუშაობის უნარი. 2015 წლის მონაცემით უმუშევრობა არის 12%, შესაბამისად დასაქმდა 60000 ადამიანი. საშუალო ხელფასი გახდა 1000 ლარი“
დიმიტრი ქუმსიშვილმა ბიძინა ივანიშვილის მიერ გამოქვეყნებული წერილის ერთი დეტალიც შეაფასა.
„ბიძინა ივანიშვილის წერილში გაკეთებული გათვლები 2016 წელზე არის რეალური. 62%-ით მეტი შემოვა პირდაპირი უცხოური ინვესტიციები, რაც ნიშნავს სამუშაო ადგილების გაზრდას“.
მანანა ღოღობერიძე