„ყველა ცდილობს ამ პროცესის მიმდინარეობა სათავისოდ გამოიყენოს.ფაქტია, რომ 90 კანონქვემდებარე აქტი, 9 საერთაშორისო კონვენცია, მიგრაციული კანონები ჩვენი ხელისუფლების დროს მივიღეთ. ხუთოსნები არა, ამ მხრივ 41-ოსნები ვართ“. ამის შესახებ საპარლამენტო ფრაქცია „ქართული ოცნების“ თავმჯდომარე გია ვოლსკიმ ტელეკომპანია „იმედზე“, გადაცემა „ქრონიკის სტუდიაში“ ისაუბრა.
„გამოდის, რომ ჩვენ, რომ არ ჩავრეულიყავით, ევროპამ არ იცოდა სად იყო იყო საქართველო. ეს პროცესები უკრაინამ 2008 წელს დაიწყო, მოლდოვამ 2012 წელს, 2013 წლის თებერვალში კი ჩვენ დავიწყეთ კორუფციის და ადამიანის უფლებების წინააღმდეგ ბრძოლა. მიკვირს რატომ მოიხსენიება „ნაციონალური მოძრაობა“ ევროპულ კონტექტსში. საერთოდ ევროპის ნიშანწყალი არ ასდის იმ დოკუმენტს, რომელიც გამოქვეყნდა ადამიანის უფლებების დაცვის კუთხით 2012 წლამდე“.
გია ვოლსკიმ ტელეკომპანია „რუსთავი-2“-ის სასამართლო პროცესებიც შეაფასა.
„აშშ-ის სახელმწიფო დეპარტამენტის წარმომადგენლები აცხადებენ, რომ „რუსთავი-2“-ის თემა არის სასამართლოს დავის თემა, აქ პოლიტიკოსებს არაფერი ესაქმებათ. არ ვფიქრობ,რომ „რუსთავი-2“ არის ერთადერთი და განუმეორებელი კრიტიკული მედიის მხრივ. მაქვს ნეგატიური დამოკიდებულება, არ დაგიმალავთ.ეს არის „ნაციონალური მოძრაობის“ სექცია და რასაკვირველია არ გამაჩნია არანაირი სიმპატია მათ მიმართ. რაც შეეხება საკონსტიტუციო სასამართლოს, სანამ ვენეციის კომისიიდან არ შემოგვძახეს,რომ არაფერი ხდება და სწორი გადაწყვეტილებებია მიღებული, ამ თემაზეც იყო ჭიდაობა და ბრძოლა“.
მანანა ღოღობერიძე